“Kotou Nonofo Tokaga”

25:1-12

Logo la neʼe fakahagahaga te lea fakata ʼo te ʼu taʼahine ʼe hogofulu ki te kau Kilisitiano fakanofo, kae ʼe ʼaoga ki te kau Kilisitiano fuli. (w15 15/3 p. 9-13) ʼE ui fenei ia Mateo 25:13: “Koia, kotou nonofo tokaga, koteʼuhi ʼe mole kotou iloʼi te ʼaho peʼe ko te hola.” ʼE feala koa ke kotou fakamahino te lea fakata ʼa Sesu?

• Te Tagata ʼOhoana (v. 1)—Sesu

• Te ʼu taʼahine popoto ʼae neʼe teuteu (v. 2)—Ko te kau Kilisitiano fakanofo ʼae neʼe teuteu ke natou fakahoko lelei ʼanatou gaue pea ʼe natou mu ohage ko he ʼu malama ʼo kaku ki te fakaʼosi (Flp 2:15)

• Te kalaga fenei: “Koʼeni te tagata ʼohoana!” (v. 6) —Ko te fakamoʼoni ʼo te ʼi heni ʼa Sesu

• Te ʼu taʼahine vavale (v. 8)—Ko te kau Kilisitiano fakanofo ʼae ʼe olo ʼo fakafetaulaki ki te Tagata ʼOhoana kae ʼe mole natou nonofo tokaga mo agatonu

• Neʼe mole fia vaevae e te ʼu taʼahine popoto ʼanatou moʼi lolo (v. 9)—Ka hili anai tonatou fakailoga fakaʼosi, ʼe kua tauhala leva he tokoni ʼa te kau fakanofo agatonu ki he tahi neʼe mole nofo agatonu

• “Neʼe haʼu ia te tagata ʼohoana” (v. 10)—ʼE haʼu anai ia Sesu ʼo faifakamau ʼi te vaʼevaʼe fakaʼosi ʼo te mamahi lahi

• Ko te ʼu taʼahine popoto neʼe natou hu fakatahi mo te tagata ʼohoana ki te kaitahi ʼo te faiʼohoana, pea neʼe pupunu te matapa (v. 10)—ʼE fakatahiʼi anai e Sesu ia te kau fakanofo agatonu ʼi selo kae ko natou ʼae neʼe mole nonofo agatonu ʼe mole natou maʼu anai tonatou fakailoga fakaʼosi