Manatuʼi Te ʼOhoana ʼo Lote

He koʼe neʼe maliu te ʼohoana ʼo Lote ʼo haga ki muli ʼi tana hola mai Sotoma? ʼE mole fakaha mai ʼi te Tohi-Tapu. (Sen 19:17, 26) ʼI te vaega ʼae ʼe tuʼu ʼi muʼa ʼo te fakatokaga ʼa Sesu, ʼe ha mai ai neʼe lagi manako te ʼohoana ʼo Lote ki te ʼu koloa ʼae neʼe ina tuku. (Luk 17:31, 32) ʼE feafeaʼi he mole puli ʼo totatou ʼofa ʼae ki te ʼAtua ohage ko te ʼohoana ʼo Lote? ʼI tatatou mole kumi te ʼu koloa ke liliu ko he maʼua tafito. (Mat 6:33) Neʼe ui e Sesu ‘ ʼe mole feala ke tou kaugana ki te ʼAtua pea mo te Paʼaga.”(Mat 6:24) Kae ʼe feafeaʼi la mo kapau ʼe fakaleluʼi tatatou gaue fakaʼatua ʼi te ʼu koloa? Tou faikole kia Sehova ke ina tuku mai te fakasiosio poto ke tou fai ni fetogi ʼi totatou maʼuli, pea ke tou faʼa kataki ʼo fakahoko.

VAKAʼI TE ʼATA VITEO MANATUʼI TE ʼOHOANA ʼO LOTE PEA MO TALI KI TE ʼU FEHUʼI ʼAENI:

• 

  Neʼe ha feafeaʼi ʼi te aga ʼa Gloria tana manako ki te paʼaga?

• Ko te aluʼaga ʼae neʼe hoko ki te ʼohoana ʼo Lote, he koʼe ʼe ko he fakatokaga kia tatou ia ʼaho nei?

• Neʼe tokoni feafeaʼi te muliʼi ʼo te ʼu pelesepeto Fakatohi-tapu kia Joe pea mo tona kiʼi famili?

• Neʼe feafeaʼi te maʼuli fakalaumalie ʼo Anna ʼi tana fakakaumeʼa mo ʼona kaugā gaue?

• He koʼe ʼe tonu ke tou lototoʼa ke tou fakafisi ai ki te fakamuʼamuʼa ʼo te paʼaga?

• Neʼe ha feafeaʼi ia Brian mo Gloria neʼe nā toe fakamuʼamuʼa leva ia Sehova?

• Ko te ʼu pelesepeto fea ʼae ʼe ha ʼi te ʼata viteo ʼaeni?