ʼE Mole Ke Muli Anai ʼi He Kaugamalie

23:1-3

Ko te fakatotonu ʼae neʼe fai e Sehova ke mole muliʼi he kaugamalie, neʼe ina fai ki te kau tuʼi fakamau pea mo natou ʼae neʼe sisio mata ki he aluʼaga neʼe hoko. Koteʼuhi neʼe feala ai ke natou fai he fakamoʼoni loi peʼe ke natou fai he tonu ʼe mole totonu. ʼE toe moʼoni pe te manatu ʼaia ʼi ʼihi age aluʼaga. ʼE faigaʼi tuʼumaʼu pe te malama ʼaeni ʼe mamaʼo mai te ʼAtua, ke mulimuli te kau Kilisitiano ki tana faʼahiga manatu pea mo te aga ʼo tana hahaʼi.—Lom 12:2.

He koʼe ʼe mole ko he aga fakapotopoto te muliʼi ʼo te kaugamalie

• moka tou logo ki he ʼu fakamatala ʼe mole tou iloʼi pe ʼe moʼoni peʼe ko he faifatufatu?

• moka tou filifili ʼotatou mutuʼi meʼa, te faʼu ʼo totatou lauʼulu peʼe ko ʼatatou fakafiafia?

• ʼi tatatou felogoi mo te hahaʼi ʼae ʼe mole tatau tonatou lanu, peʼe ko tanatou agaʼi fenua, peʼe ko tanatou faʼahiga maʼuli mo tatou?