Foaki Te Meʼa ʼAe ʼe Lelei Kia Sehova

5:5-7, 11

ʼI Iselaele, neʼe toe feala pe ki te kau masisiva ke natou tokalelei mo Sehova. Maʼia mo te Iselaele ʼae neʼe masiva ʼosi neʼe feala pe ke ina momoli he sakilifisio ʼe leleiʼia e Sehova, kehe pe ke ina momoli te meʼa ʼae ʼe lelei tukupau. Neʼe feala ke ina momoli he falaoa, kae neʼe fakamaʼua e Sehova ke foaki te falaoa “hina.” Neʼe ko te faʼahiga falaoa lelei ʼaia neʼe fakaʼaogaʼi maʼa te kau fakaafe maʼuhiga. (Sen 18:6) Ia ʼaho nei, logo la te ʼu faʼahi ʼae ʼe mole kei feala ke tou fakahoko ʼuhi ko totatou aluʼaga, kae ʼe tali e Sehova te ʼu “sakilifisio fakavikiviki” ʼae ʼe lelei tukupau, ʼae ʼe feala ke tou momoli kia te ia.—Hep 13:15.

Kapau ʼe mole feala ke ke fai ohage ko temi muʼa, ʼuhi he ʼe ke mahamahaki peʼe ke vaivai, ʼe fakalotomalohiʼi feafeaʼi koe e te manatu ʼaia?