Fakaʼapaʼapa Ki Te ʼu Finematuʼa Mo Te ʼu Finemui

ʼE ui mai ʼi te Tohi-Tapu, ʼe tonu ke tou fakaʼapaʼapa ki te kau matuʼā mo te kau finematuʼa ohage pe ko hatatou ʼu tamai mo faʼe. Pea ke hage te kau finemui ko hotatou ʼu tokolua. (Lau ia 1 Timoteo 5:1, 2.) ʼE tonu ki te ʼu tehina ke natou fakaʼapaʼapa ki ʼonatou tuagaʼane.

ʼE mole fai anai e he tehina he aga peʼe ko he palalau ki he tuagaʼane ke tupu ai tona ufiufi peʼe ke vevele ai tona loto. (Sop 31:1) ʼE mole kakaʼi anai e he tehina selipatea ia he tuagaʼane selipatea, ke manatu ʼe manako ai, kae ʼi tona fakahagatonu, ʼe mole ʼofa moʼoni ai.

ʼE tonu ke fakalogo lelei te kau tagata ʼafea moka haʼu he tuagaʼane ʼo palalau age peʼe kole tokoni age kia natou. ʼE tokaga tafito anai te kau tagata ʼafea ki te ʼu tuagaʼane vitua.—Lu 2:8, 9.

VAKAʼI TE ʼATA VITEO ʼI TE KOKELEKASIO TOU HAGA ʼOʼOFA KI TE KAU VITUA MO NATOU ʼAE ʼE HALA MO TAMAI, PEA MO TALI KI TE ʼU FEHUʼI ʼAENI:

• 

  Neʼe fakaha feafeaʼi e te kokelekasio tonatou ʼofa ki te tuagaʼane ko Myint?

• 

  Neʼe malave feafeaʼi ki te hahaʼi ʼo te kolo ia te ʼofa ʼo te kokelekasio?

• 

  Kotea ʼae neʼe logoʼi e te ʼu taʼahine ʼa te tuagaʼane ko Myint?

ʼE feafeaʼi hatatou fakaha ʼe tou ʼoʼofa ʼi ʼotatou tuagaʼane?