Tou Katakiʼi Te ʼu Faigataʼa Fakaekonomika ʼAki He Loto Falala

Ko te maʼuli ʼi te ʼu ʼaho fakamuli ʼe faigataʼa. ʼUhi kua tou fakaovi ki te fakaʼosi ʼo te tuʼu ʼaeni, ʼe tuputupu anai ʼo lahi te ʼu faigataʼa, pea ʼe lahi anai te ʼu meʼa ʼe mole kei tou maʼu. (Hap 3:16-18) Kotea ʼae ʼe feala ke tokoni mai ke tou katakiʼi te ʼu faigataʼaʼia ʼaki he loto falala? ʼE tonu ke hoko atu tatatou falala ki tatatou ʼAtua ko Sehova. Neʼe ina fakapapau ʼe tokaga anai ki ʼana kaugana pea mo foaki age ia meʼa ʼe ʼaoga ʼi he aluʼaga pe.—Ps 37:18, 19; Hep 13:5, 6.

Ko meʼa ʼe feala ke tou fai:

• Tou kole kia Sehova tana takitaki, tona poto pea mo tana tokoni.—Ps 62:8

• Tou tali pe he gaue tatau aipe pe neʼe mole heʼeki tou fai ʼi muʼa atu.—g 1/10 8-9, te ʼu ʼa takai

• Tou taupau he ʼu agamahani fakalaumalie ʼe lelei, ohage ko te lau ʼo te Folafola ʼa te ʼAtua ʼi te ʼaho fuli, mo te kau ki te ʼu fono ʼo te kokelekasio pea mo te faifakamafola.

SIOʼI TE ʼATA ‘KOTOU FAʼU IA HE FALE ʼE TOLOGA—KE “KOTOU FAKAFEʼAUGA PE ʼI TE ʼU MEʼA ʼAE ʼE KOTOU MAʼU” ’ PEA MO TALI KI TE ʼU FEHUʼI ʼAENI:

• Kotea te ʼu faigataʼaʼia ʼe tau mo ʼihi famili?

• Kotea ʼae ʼe maʼuhiga tafito ʼi te maʼuli?

• ʼE feala ke tou tokoni feafeaʼi kia natou ʼe tau mo ni faigataʼa fakaekonomika?