TE MAʼULI FAKAKILISITIANO
Tou Kumi Te Manatu ʼa Sehova
ʼE tou fia fakafiafiaʼi ia Sehova ʼi te ʼu meʼa fuli ʼae ʼe tou fai. (Taa 27:11) Koia, ʼe tonu ke tou toʼo he ʼu tonu ʼe alu tahi mo tana faʼahiga manatu, maʼia moka mole tou maʼu he lao ’i te Tohi-Tapu ʼe ina fakaha mai pe kotea ʼae ʼe tonu ke tou fai.
Ako tuʼumaʼu te Tohi-Tapu. Ka ke lau ia te Tohi-Tapu, ʼe hage pe ʼe ke fakatahi mo Sehova. ʼE feala ke tou ako ia tana faʼahiga manatu moka tou sio ki tana faʼahiga tokaga ki tana hahaʼi pea mo te ʼu faʼifaʼitaki ʼo natou ʼae neʼe natou fai te ʼu meʼa ʼe lelei peʼe kovi. Ka tou toʼo he tonu, ʼe feala ke fakamanatuʼi mai e te laumalie maʼoniʼoni he ʼu hisitolia peʼe ko he ʼu pelesepeto maʼuhiga ʼae neʼe tou akoʼi ʼi te Tohi-Tapu.—Soa 14:26.
Fai he ʼu fekumi. Ka ke toʼo he tonu, fai muʼa te fehuʼi ʼaeni: “Kotea te ʼu vaega peʼe ko te ʼu fakamatala ʼi te Tohi-Tapu ʼe feala ke tokoni mai ke au mahino ki te manatu ʼa Sehova ʼo ʼuhiga mo te koga ʼaeni? Kole kia Sehova ke tokoni atu, pea mo fai he ʼu fekumi ʼi ʼatatou tohi, ke ke maʼu te ʼu pelesepeto Fakatohi-tapu ʼae ʼe ʼaoga ki tou aluʼaga.—Ps 25:4.
SIOʼI TE ʼATA ʼE TONU KE TOU “FAʼA KATAKI ʼO LELE”—TOU MULIʼI TE ʼU FAʼIFAʼITAKI LELEI, PEA MO TALI KI TE ʼU FEHUʼI ʼAENI:
Kotea te ʼu aluʼaga fakatupu hoha neʼe tonu ke tauʼi e te kiʼi tuagaʼane?
ʼE feafeaʼi hau fakaʼaogaʼi ʼatatou ʼu meʼa gaue moʼo fai he ʼu fekumi ʼo ʼuhiga mo te ʼu aluʼaga fakatupu hoha?
He koʼe ʼe lelei ke tou toʼo he temi ke tou fai he ʼu fekumi ʼi muʼa ʼo hatatou toʼo he tonu?—Hep 5:13, 14