TE ʼU KOLOA ʼO TE TOHI-TAPU

Kua Fakatuʼutuʼu Lelei Ia Te Tauhi ʼi Te Fale Lotu

Neʼe fakatuʼutuʼu e te Hau ko Tavite ia te gaue ʼa te kau Levite pea mo te kau pelepitelo ʼi te fale lotu (1Kk 23:6, 27, 28; 24:1, 3; it-2 133, 657)

Neʼe hinoʼi te kau fai maholo faiva mo ni kau ako ke natou fai maholo maʼa te tauhi ʼae kia Sehova (1Kk 25:1, 8; it-2 358)

Neʼe hinoʼi te kau Levite ko ni kau leʼo matapa, ko ʼihi ke natou tokakaga ki te ʼu koloa ʼo te fale ʼo Sehova, pea ko ʼihi ko ni kau takitaki (1Kk 26:16-20; it-1 620)

Ko he ʼu tehina mo he ʼu tuagaʼane ʼi muʼa ʼo te kamata ʼo te fono ʼo te kokelekasio. 1. ʼE natou faipalalau fakatahi. 2. ’E fakaha e he tehina he pepa neʼe fakapipiki ʼi te laupapa. 3. ʼE ʼai e he tuagaʼane hona meʼa ʼofa ʼi te puha meʼa ʼofa ʼo te kokelekasio. 4. ʼE foaki e he tehina he ʼu toki ki he tuagaʼane. 5. ʼE teuteuʼi e he tehina ia te mikolo ʼo te faiakonakiʼaga. 6. Ko he tehina mo tona foha ʼe nā hihiko te fale fono.

Neʼe iloga lelei ʼi te faʼahiga fakatuʼutuʼu ʼa te tauhi ia te ʼuluagaaga ʼo Sehova.—1Ko 14:33.

KE KE METITASIO KI AI: ʼE feafeaʼi te faʼahiga fakatuʼutuʼu ʼo te kokelekasio ke fakahoko ai tatatou tauhi ia ʼaho nei?