TE ʼU KOLOA ʼO TE TOHI-TAPU

‘ ʼE Tuku Tuʼumaʼu Anai Ki Ai Toku Loto’

Neʼe filifili tonu e Sehova tona fale lotu (2Kk 7:11, 12)

ʼE tuku tuʼumaʼu anai e Sehova tona loto ʼi ai, ko tona fakaʼuhiga ʼe tokaga anai ki te ʼu meʼa fuli ʼae ʼe hoko ʼi te fale ʼaia ʼe tuʼu ai tona huafa (2Kk 7:16; w02 15/11 5 ¶1)

Kapau ʼe mole kei haʼele te hahaʼi mo Sehova ʼaki ʼonatou loto katoa, ʼe ina tuku anai ke maumauʼi te fale lotu (2Kk 6:14; 7:19-21; it-2 1048)

Pāki: Te aluʼaga ʼo te tauhi. 1. Ko he tehina ʼe faikole. 2. Ko he tuagaʼane ʼe faitali ʼi te fono ʼo te kokelekasio. 3. Ko he taumatuʼa ʼe nā faifakamafola. 4. Ko he tehina ʼe ina fakamaʼa te Fale Fono. 5. Ko he tehina ʼe ina taki ia te ako fakafamili mo tona ʼohoana pea mo ʼana fanau ʼe toko lua. 6. Ko he tuagaʼane ʼe ina lau tana Tohi-Tapu. 7. Ko he tuagaʼane ʼe ina ʼai hona meʼa ʼofa ki te puha meʼa ʼofa.

ʼI te temi ʼae neʼe fakatapu ai te fale lotu, neʼe lagi manatu te hahaʼi ʼe natou taupau lelei anai tanatou tauhi kia Sehova. Kae ʼaki te alu ʼo te temi, neʼe puli mamalie leva tanatou fakamalotoloto ki te tauhi ʼae kia Sehova.

KE KE FAI TE FEHUʼI: ‘ ʼE au fakaha feafeaʼi ʼe au tauhi kia Sehova mo toku loto katoa?’