TE MAʼULI FAKAKILISITIANO
Falala Kia Sehova Moka Agakovi Atu He Tahi
Ka agakovi mai he tahi ʼe feala ke tou mamahi pea mo lotomamahi. Pea kapau ʼe tou matataku moka natou fakafeagai ki tatatou tauhi, ʼe feala ke toe fakatupu kovi ki totatou maʼuli fakalaumalie. Kotea ʼae ʼe feala ke tou fai moka gaohi koviʼi tatou?
Tokolahi te hahaʼi ʼa Sehova neʼe natou lava tauʼi te kau agakovi ʼuhi ko tanatou falala kia Sehova. (Ps 18:17) Ohage la ko Esitele, neʼe ina fakaha ki te hau ia te ʼu fakatuʼutuʼu kaka ʼa te tagata agakovi ko Amane. (Esi 7:1-6) Kae ʼi muʼa ʼo tana fai te faʼahi ʼaia neʼe sesunio, ʼo fakaha ai tana falala kia Sehova. (Esi 4:14-16) Neʼe tapuakiʼi e Sehova tana ʼu faiga pea mo puipui ia ia pea mo tana hahaʼi.
Tupulaga, kapau ʼe gaohi koviʼi koe, kole kia Sehova ke tokoni atu, pea mo ke palalau ki he tahi kua fakapotopoto, ohage ko ʼau matuʼā. Kapau ʼe ke fai feia, ʼe tokoni moʼoni atu anai Sehova ohage ko tana fai kia Esitele. Kotea ʼe feala ke ke fai moka gaohi koviʼi koe?
SIOʼI TE ʼATA TOKU TEMI TUPULAGA: KOTEA ʼE FEALA KE AU FAI MOKA AGAKOVI MAI HE TAHI?, PEA MO TALI KI TE ʼU FEHUʼI ʼAENI:
Kotea te ako ʼe feala ke tou taʼofi mai ia Charlie pea mo Ferin?
Kotea te ako ʼe feala ke taʼofi e te ʼu matuʼā ʼi te ʼu tala manatu ʼa Charlie pea mo Ferin?