Fakaʼaogaʼi ʼi Te Faifakamafola Te ʼUluaki Pasina ʼo Te JW.ORG

ʼI te ʼuluaki pasina ʼo tatatou tuʼasila ʼi te Neti, ʼe maʼu ai he ʼu alatike mo he ʼu ʼata viteo maʼa te hahaʼi fakamalotoloto. (Gau 13:48) ʼE talanoa ai ki te ʼu aluʼaga ʼe hoko nei, peʼe manatu ki ai te hahaʼi peʼe natou palalau ki ai.

ʼE feafeaʼi hau fakaʼaogaʼi te ʼuluaki pasina ʼo te jw.org ki te faifakamafola?

• Alu tuʼumaʼu ki tatatou tuʼasila ʼi te Neti. Tohi te ʼu alatike ʼae ʼi te ʼuluaki pasina pea mo ke fakakaukau pe ʼe feafeaʼi hau fakaʼaogaʼi moʼo tokoni ki he tahi. (Kapau ʼe ke fia maʼu he tahi ʼu alatike, lomiʼi ki te “Vakaʼi Fuli.” Kapau ʼe ke fai te faʼahi ʼaia ʼe feala hau maʼu he ʼu manatu foʼou ki te faifakamafola.

• Fakaʼaogaʼi te ʼu alatike peʼe ko te ʼu ʼata ʼae ʼi te ʼuluaki pasina moʼo kamata ʼaki he faipalalau. ʼE iloʼi ai pe kotea ʼae ʼe hoha ki ai te hahaʼi.

• Fakaha ki te hahaʼi te ʼuluaki pasina. ʼE feala ke ke fakaha age ki te hahaʼi ʼihi manatu ʼi te ʼuluaki pasina pea mo fakamahino age pe ʼe feafeaʼi tana fealuʼaki ʼi tatatou tuʼasila ʼi te Neti.

• Momoli he lien. ʼE ʼi ai ʼihi ʼe mole natou fia faipalalau mo tatou ʼi ʼonatou ʼapi, kae ʼe natou lotolelei ke natou olo ki tatatou tuʼasila ʼi te Neti. Koia tou momoli kia natou te lien ʼi te Neti ʼe alu hagatonu ki te ʼuluaki pasina ʼo tatatou tuʼasila, peʼe ki he alatike, peʼe ko he ʼata viteo.