TE MAʼULI FAKAKILISITIANO

Tokoni Ki Te Hahaʼi Heʼe Lotu Ke Natou Iloʼi Te Tupuʼaga

ʼE ke tuʼania koa te faifakamafola ki he tahi ʼe mole lotu, he ʼe ke manatu ʼe mole fia fakalogo anai? Kapau koia, manatuʼi tokolahi te hahaʼi heʼe lotu neʼe natou liliu ko ni Fakamoʼoni ʼa Sehova, maʼia mo natou neʼe mole tui ki te ʼAtua. Neʼe tonu pe ke tokoni kia natou ke natou maʼu he ʼu fakamoʼoni ʼe maʼuli moʼoni te ʼAtua.—Lom 1:20; 10:14.

SIOʼI TE ʼATA MANATUʼI: ʼE FEALA KE TUI TE HAHAʼI FULI!—TE HAHAʼI ʼAE ʼE MOLE HANATOU LOTU, PEA MO TALI KI TE FEHUʼI ʼAENI:

He koʼe ʼe lelei ke tou faʼifaʼitakiʼi ia Tommaso moka tou faifakamafola ki te hahaʼi ʼe mole lotu?

Tau tali

Kotea ʼe tonu ke tou fai

Ka ui atu e he tahi ʼe mole tui ki te ʼAtua, ke ke agalelei ki ai pea mo aga fakaʼeteʼete. Faiga fakamalotoloto ke ke mahino ki tana manatu pea mo te meʼa ʼae ʼi tona loto. (2Ti 2:24) Palalau ki he ʼu manatu ʼe ina leleiʼia. Kapau ʼe ina tali ke ke fakaha age he ʼu fakamoʼoni ʼo ʼuhiga mo te Tupuʼaga, fakaha age ki ai te ʼu kaupepa La vie a-t-elle été créée ? pea mo Cinq questions à se poser sur lʼorigine de la vie. ʼE ke maʼu anai ʼi te panoplie dʼenseignant, ʼi te JW Library.

ʼI te kamata ʼe lagi ke tuʼania ʼi te palalau ki he tahi ʼe mole tui ki te ʼAtua. Koia ʼe lelei ke ke kole tokoni ki he tahi kua faiva ʼi te faifakamafola. Manatuʼi, ʼe feala kia Sehova ke ina taki mai he tahi ʼe lelei tona loto, maʼia mo ia ʼae neʼe mole tui ʼe ʼi ai he ʼAtua.—Gau 13:48.