Ko Natou ʼAe ʼe Agatonu ʼe Natou Fakahoko ʼAnatou Fakapapau

Lau ia Tuʼi Fakamau 11:30-40 ke feala ai ʼaki te fakamatala ʼo Sefeteo mo tona ʼofafine hau mahino ki te fakahoko ʼo te ʼu fakapapau.

Kumi pe neʼe kotea te manatu ʼa te hahaʼi ʼi te temi ʼaia. Neʼe feafeaʼi ki te kau Iselaele agatonu moka neʼe natou fai he ʼu fakapapau kia Sehova. (Num. 30:2) Neʼe fakaha feafeaʼi e Sefeteo mo tona ʼofafine tanā tui ʼae kia Sehova?​—Tfm. 11:​9-​11, 19-​24, 36.

Fai hau tahi ʼu fekumi. Kotea ʼae neʼe manatu ki ai ia Sefeteo ʼi tana fai tana fakapapau? (w16.04 5 ¶12) Kotea te ʼu sakilifisio neʼe tonu ke fai e Sefeteo mo tona ʼofafine moʼo fakahoko tana fakapapau? w16.04 6-7 ¶14-16) Kotea te ʼu fakapapau ʼe feala ke fai e te kau Kilisitiano ʼi te temi nei?​—w17.04 6-9 ¶10-19.

Vakaʼi pe ʼe feafeaʼi hau mulimuli ki te ʼu meʼa ʼae neʼe ke ako. Fai te ʼu fehuʼi ʼaeni:

• ‘Kotea ʼae ka tokoni mai ke au fakahoko taku fakapapau ʼae ke au foaki toku maʼuli kia Sehova?’ (w20.03 13 ¶20)

• ‘Kotea te ʼu sakilifisio ʼe feala ke au fai ke lahi age taku gaue maʼa Sehova?’

• ‘Kotea ʼae ʼe lava tokoni mai ke au haga fakahoko atu aipe taku fakapapau ʼae ke au nofo agatonu ki toku ʼohoana?’ (Mat. 19:​5, 6; Efe. 5:​28-​33)