Nota

a ʼI tana palalau ʼaē ki te haʼuʼaga faka pagani ʼo te tuʼuga akonaki faka ʼapositā ʼo te Keletiate, mo tona ʼu toʼotoʼoga, pea mo tana ʼu aga, neʼe tohi fēnei e John Henry Newman, te kaletinale Katolika Loma ʼo te 19 sēkulō ʼi tana tohi Essai sur le développement de la doctrine chrétienne (Te tohi ʼo ʼuhiga mo te tuputupu ʼo te tui faka Kilisitiano): “Ko te fakaʼaogaʼi ʼo te ʼu fale lotu, mo te fakatapuʼi ʼo te ʼu fale ʼaia ki te ʼu sagato, pea mo tonatou fakamataleleiʼi ʼi ʼihi lakaga ʼaki te ʼu vaʼa ʼakau; ko te ʼisēsō, mo te ʼu mālama, mo te ʼu sela; mo te ʼu mōlaga moʼo fai he fakapapau mokā neʼe mālōlō he tahi ʼi hona mahaki; te vai tapu; te fakahao ʼo he tahi mai he fakatūʼā; te ʼu ʼaho mālōlō mo te ʼu ʼaho lahi, te fakaʼaogaʼi ʼo te kaletalio ʼo te kau sagato, te ʼu polosesio, te fakatapuʼi ʼo te ʼu gāueʼaga; te ʼu kofu ki te ʼu toʼotoʼoga, te tele ʼo te fuga ʼulu, te mama ʼohoana, te faikole ʼaē ʼo haga ki te Potu ʼEsitē, te ʼu fakatātā, pea lagi mo te hiva faka ʼēkelesia pea mo te hiva ʼo te Kyrie Eleison [te hiva ʼaē ko te “ ʼAliki ʼofa mai”], ko te ʼu meʼa fuli ʼaia, ʼe haʼu mai te tauhi faka pagani, pea kua fakatapuʼi ʼaki tanatou fakaʼaoga ʼi te ’Ēkelesia.”