Nota

b ʼI te tahi ʼu fenua, moʼo faitoʼo te ʼu faʼahiga hahaʼi ʼaia, ʼe ʼi ai te ʼu fale mahaki mo te ʼu lopitali, pea mo te ʼu polokalama ʼe fakatuʼutuʼu moʼo tokoni tāfito kia nātou ʼaē ʼe ʼinu kava tuʼumaʼu pea mo tonatou ʼu famili. ʼE ʼa tatou takitokotahi te vakaʼi peʼe tou fakaʼaogaʼi anai te ʼu fakatuʼutuʼu ʼaia peʼe kailoa. ʼE mole foaki e te Sosiete Watch Tower he faʼahiga faitoʼo ke koutou fakaʼaogaʼi. Kae ʼe tonu ke koutou tokakaga mokā koutou kumi tokoni, ke ʼaua naʼa koutou kau ki he ʼu meʼa ʼe fakafeagai ki te ʼu pelesepeto ʼo te Tohi-Tapu.