Nota

a ʼE mole maʼu te kupu “leʼo ʼo loto” ʼi te ʼu Tohi Fakahepeleo ʼo te Tohi-Tapu. Kae ʼi te ʼu faʼifaʼitaki ʼaia ʼe hā lelei ai te gāue ʼaē neʼe fai e te leʼo ʼo loto ʼi te temi ʼaia. ʼI te agamāhani, ko te kupu “loto” ʼe fakaʼuhiga ki te meʼa ʼaē ʼi te loto ʼo he tahi. ʼI te ʼu faʼifaʼitaki ʼa Sopo pea mo Tavite, ʼe hā lelei mai ʼe fakaʼuhiga ki he faʼahi tāfito ʼi te loto ʼo te tagata—tona leʼo ʼo loto. ʼI te ʼu Tohi Fakakeleka ʼo te Tohi-Tapu, ʼe fakaʼaogaʼi tuʼa 30 te kupu Fakakeleka ʼaē neʼe fakaliliu ʼaki te kupu “leʼo ʼo loto.”