Nota

c Neʼe manatu e ʼihi tagata sivi Tohi-Tapu, neʼe fai e te ʼu tagata toko 4 ʼaia he fakapapau ke natou maʼuli Fakanasilea. (Num. 6:1-21) Neʼe kau te fakapapau ʼaia ki te Lao ʼa Moisese ʼae neʼe mole kei muliʼi. Kae neʼe lagi manatu e Paulo ʼe mole kovi ke fai e ni tagata he fakapapau kia Sehova, koia neʼe ina totogi ai te ʼu meʼa ʼae neʼe ʼaoga kia natou, ʼo alu ai mo natou. ʼE mole tou iloʼi pe ko te fakapapau fea ʼae neʼe natou fai. Neʼe momoli e te kau Nasilea he manu ko he molaga moʼo fakamaʼa natou mai ʼanatou agahala. Pea kapau neʼe ko te molaga ʼaia, ʼe mahino ia neʼe mole feala ke tali e Paulo ke ina totogi te manu mo manatu ʼe feala ke fakamaʼa ai natou mai ʼanatou agahala. Pe ʼe kotea pe te meʼa neʼe fai e Paulo, ʼe tou tui papau, neʼe mole feala ke ina fai he meʼa ʼe vevele ai tona loto.