Nota

a Neʼe loto e Paulo ke nofo ia Onesimo mo ia. Kae neʼe ina iloʼi, kapau ʼe ina fai ia te faʼahi ʼaia, ʼe ina maumauʼi ia te lao ʼo Loma pea mo fakatupu kovi ki te pule ʼo Onesimo, ia Filemone, ʼae ʼe kau mo ia ʼi te lotu Fakakilisitiano. Koia neʼe toe liliu ai ia Onesimo kio Filemone, mo he tohi neʼe fai e Paulo ʼe ina kolekole ai kia Filemone ke ina fakatalitali leleiʼi tona tehina fakalaumalie.​—Flm. 13-19.