Nota

c Neʼe lahi te ʼu magaʼi lotu ʼo te Keletiate neʼe nātou faihala ʼi te faʼahi ʼaia. Ko te kupu ʼaē ko te Luthérien neʼe ko te higoa neʼe foaki e nātou ʼaē neʼe fakafeagai ki te kau tisipulo ʼa Martin Luther, pea talu mai ai neʼe nātou toʼo te higoa ʼaia. ʼO toe feiā pe mo te kau Baptistes, neʼe nātou toʼo te higoa ʼaia ʼaē neʼe foaki age e te hahaʼi ʼaē ʼe mole lotu tahi mo nātou, koteʼuhi neʼe nātou fagonogono te papitema ʼaē ʼe fakauku fuli te sino katoa. ʼO toe feiā aipe pe mo te kau Méthodistes, neʼe nātou toʼo te higoa ʼaia he neʼe foaki age e te hahaʼi neʼe mole kau ki tanatou lotu. ʼO ʼuhiga mo te Société des Amis, ʼe ʼui fēnei e te tohi The World Book Encyclopedia pe koʼe neʼe fakahigoaʼi nātou ko te kau Quakers: “Ko te kupu ʼaē ko te Quaker (ko he tahi ʼe mataku) neʼe faka ʼuhiga ʼuluaki ohage ko he laukovi kia Fox [ko ia ʼaē neʼe ina fakatupu te lotu ʼaia], ʼaē neʼe ina ʼui ki te tuʼi fakamāu Pilitania ke ‘mataku ki te Folafola ʼa te ʼAliki.’ Ko te tuʼi fakamāu neʼe ina fakahigoaʼi ia Fox ko ‘te tagata ʼaē ʼe mataku.’ ”