Nota

a Ko te meʼa ʼaē neʼe fakahoko tāfito e te laumālie ʼo te ʼAtua ki te kau Kilisitiano ʼo te ʼuluaki sēkulō, neʼe ko te fakanofo ʼo nātou ko te ʼu foha fakalaumālie ʼo te ʼAtua pea mo te ʼu tēhina ʼo Sesu. (2 Kolonito 1:​21, 22) ʼE hoko te faʼahi ʼaia ki te toko 144 000 tisipulo ʼa Kilisito. (Fakahā 14:​1, 3) Ia ʼaho nei ko te tokolahi ʼo te kau Kilisitiano neʼe foaki fakaʼofa age kia nātou te ʼamanaki ʼaē, ke nātou maʼuli ʼo heʼegata ʼi te kele ʼaē ka liliu anai ko he palatiso. Neʼe mole fakanofo nātou ʼaki te laumālie, kae neʼe toe foaki foki kia nātou te tokoni pea mo te fakaloto fīmālie ʼaki te laumālie maʼoniʼoni ʼo te ʼAtua.