Nota

a ʼE mahino ia, neʼe puleʼi e Titus ia te ʼaluʼaga ʼaia. Kae ʼi te ʼu faʼahi maʼuhiga e lua, neʼe mole ina fai te meʼa ʼaē neʼe loto kiai. Neʼe ina fai te ʼu puleʼaki ke tuku te tau, kae neʼe fakafisi kiai te ʼu tagata takitaki logogataʼa ʼo te kolo, ʼo mole ʼiloʼi pe koteā tona tupuʼaga. Pea ʼi te temi leva ʼaē neʼe maumauʼi ai te ʼu kaupā ʼo te kolo, neʼe ina fakatotonu ke mole maumauʼi te fale lotu. Kae neʼe tutu katoa ia! Neʼe fakahā fakalelei e te lea faka polofeta ʼa Sesu, ʼe fakaʼauha anai ia Selusalemi pea ʼe maumauʼi anai te fale lotu katoa.​—Maleko 13:​1, 2.