Nota

a Ko te Donatisme neʼe ko te magaʼi lotu faka “Kilisitiano” ʼo te fā pea mo te nima sēkulō ʼo totatou temi. Neʼe lau e te hahaʼi ʼaē neʼe kau ki te lotu ʼaia, neʼe lelei te toʼotoʼoga ʼaē neʼe fai e te pelepitelo mo kapau neʼe lelei tana aga ʼaē ʼe tonu ke fai, pea ʼe tonu ke fakamavae ʼi te ʼēkelesia ia nātou ʼaē neʼe nātou fai he ʼu agahala mamafa. Ko te Arianisme neʼe ko te manatu ʼa te kūtuga faka “Kilisitiano” ʼo te fā sēkulō ʼaē neʼe nātou fakafihiʼi te ʼuhiga ʼatua ʼo Sesu Kilisito. Neʼe akoʼi e Arius neʼe mole he tupuʼaga ʼo te ʼAtua pea ʼe mole hona kamataʼaga. Kae ko te ʼAlo, koteʼuhi neʼe fakatupu ia ia, koia ʼe mole feala ai ke tatau tona ʼuhiga mo te ʼuhiga ʼAtua ʼo te Tāmai. Neʼe mole maʼuli te ʼAlo talu mai te ʼu temi heʼegata, kae neʼe fakatupu ia ia pea ʼe maʼuli he neʼe finegalo kiai te Tāmai.