Nota

a Ko ʼihi Kilisitiano ʼe gāue ʼi te ʼu lopitali, ʼe maʼua ke nātou vakaʼi te faʼahi ʼaia ʼo ʼuhiga mo te takitaki ʼo te gāue ʼaē ʼe fai. ʼE maʼu e te kau tōketā te fealagia ʼaē ke nātou fakahoko he ʼu faʼahiga faitoʼo ki te hahaʼi. Tatau aipe peʼe lotolelei kiai e ia ʼaē ʼe mahaki, ʼe tali anai koa e he tōketā Kilisitiano ke ina fai ki ai hana foʼi huki toto, pe ke ina fai he fakatō fatu, ʼi tana kua ʼiloʼi te manatu ʼa te Tohi-Tapu ʼo ʼuhiga mo te ʼu faʼahi ʼaia? ʼI te tahi faʼahi, ko he afilimie ʼe gāue ʼi he lopitali, ʼe mole ina maʼu te fealagia ʼaia ke ina hinoʼi te ʼu faitoʼo ʼaē ʼe fai ki te hahaʼi. ʼI tana fakahoko tana gāue, ʼe lagi kole anai kia ia e te tōketā ke ina toʼo he foʼi huki toto moʼo fai ʼaki te ʼu sivi, peʼe ke tokaga ki he fafine neʼe haʼu ke fakatō tona fatu. ʼO mulimuli ki te faʼifaʼitaki ʼaē ʼe tuku mai ia 2 Hau 5:​17-​19, ʼe mahino anai kia ia, mai tona ʼuhiga ʼaē ʼe mole ko ia ʼaē neʼe ina fakatotonu ke ina fai he foʼi huki toto peʼe ko te fakatō fatu ʼa te fafine, koia ko te gāue ʼaē ka ina fai, ʼe ko he gāue pe ia moʼo tokoni ki te hahaʼi. Kae ʼe maʼua ke ina fai ʼo mulimuli ki tona leʼo ʼo loto, ‘ke tokalelei pe tona leʼo ʼo loto ia muʼa ʼo te ʼAtua.’​—Gaue 23:⁠1.