Nota

a Ko te kau Fakamoʼoni ʼa Sehova ʼe nātou lagolago ki te Puleʼaga ʼo te ʼAtua, koia ʼe mole nātou kau ai ki te ʼu meʼa faka politike peʼe agatuʼu ki te ʼu puleʼaga fakatagata, māʼiape la mo te ʼu fenua ʼaē ʼe tapuʼi ai tanatou gāue pea mo gaohi koviʼi ai nātou. (Tito 3:1) Kae ʼe nātou faiga aipe ke nātou fai he ʼu meʼa ʼe ʼaoga pea mo nātou tokoni ʼi te faʼahi fakalaumālie, ʼo mole nātou kau ki he meʼa faka politike, heʼe nātou mulimuli pe ki tona fai e Sesu pea mo tana kau tisipulo ʼo te ʼuluaki sēkulō. ʼE faiga te kau Fakamoʼoni ʼa Sehova ke nātou tokoni fakalelei ki te hahaʼi fakamalotoloto pea mo lanu kehekehe, ke nātou maʼuliʼi te ʼu lekula maʼuhiga ʼo te Tohi-Tapu, ohage ko te ʼofa ʼi te maʼuli faka famili, te agatonu, te aga maʼa ʼo ʼuhiga mo te ʼu aga ʼaē ʼe tonu ke fai, pea mo te agatonu ʼi te gāue. ʼE nātou faiga ʼuluaki ke nātou akoʼi kia nātou peʼe feafeaʼi te muliʼi ʼo te Tohi-Tapu, pea mo nātou mahino ko te Puleʼaga ʼo te ʼAtua ʼe ko te falalaʼaga pe ʼaia e tahi ʼo te malamanei.