Nota

a ʼI tana fakamahinohino ia te talanoa ʼa Paulo ʼaē “ko te ʼofa ʼe kātaki fualoa pea mo agalelei,” ʼe tohi fēnei e te tagata sivi Tohi-Tapu ko Gordon D. Fee: “ ʼI te teolosia ʼo ʼuhiga mo te ʼu tohi ʼa Paulo, ʼe fakahā ai ko te kātaki fualoa pea mo te manavaʼofa, ʼe koga lua ʼo ʼuhiga mo te aga ʼa te ʼAtua ki te malamanei (vakaʼi ia Loma 2:4). ʼI te tahi faʼahi, neʼe hā te faʼa kātaki ʼofa ʼa te ʼAtua ʼi tana mole fakahoko ʼo tona hāūhāū ki te agatuʼu ʼa te tagata, pea ʼi te tahi faʼahi, neʼe hā tana agalelei ʼi te ʼu lakaga kehekehe ʼaē neʼe ina fakahā ai tana manavaʼofa. Koia ko te fakamatala ʼa Paulo ʼo ʼuhiga mo te ʼofa, ʼe kamata ʼaki te ʼu kalitate ʼaia e lua ʼo te ʼAtua, ʼaē ʼe ina fakahā ai ko Kilisito neʼe ina kātakiʼi fualoa pea mo agalelei kia nātou ʼaē neʼe tonu ke hoko ki ai te tautea fakaʼatua.”