Nota

c Kapau ʼe mole ʼi ai he tahi age meʼa ʼe fakamaʼua kiai nāua e te puleʼaga, pea ʼe feala ke nā fai tanā ʼu fakapapau ʼaenī, ʼaē ʼe fakavikiviki ai te ʼAtua. ʼE ʼui fēnei e te tama: “ ʼE au [te higoa ʼo te tama] toʼo ia koe [te higoa ʼo te taʼahine] ke ke liliu ko toku hoa, ke au ʼofa pea mo au fakapelepeleʼi koe ʼo mulimuli ki te lao fakaʼatua ʼaē ʼe tuʼu ʼi te Tohi-Tapu ʼo ʼuhiga mo te ʼu tagata ʼohoana, ʼo aʼu pē ki te fualoa ʼo totā maʼuli fakatahi ʼi te kele ohage ko te fakatuʼutuʼu ʼaē neʼe fai e te ʼAtua ʼo ʼuhiga mo te ʼohoana.” ʼE ʼui fēnei e te taʼahine: “ ʼE au [te higoa ʼo te taʼahine] toʼo ia koe [te higoa ʼo te tama] ke ke liliu ko toku hoa, ke au ʼofa, mo au fakapelepeleʼi pea mo fakaʼapaʼapa lahi kiā koe, ʼo mulimuli ki te lao fakaʼatua ʼaē ʼe tuʼu ʼi te Tohi-Tapu ʼo ʼuhiga mo te ʼu fafine ʼohoana, ʼo aʼu pē ki te fualoa ʼo totā maʼuli fakatahi ʼi te kele ohage ko te fakatuʼutuʼu ʼaē neʼe fai e te ʼAtua ʼo ʼuhiga mo te ʼohoana.”