Nota

c Tou fakatokagaʼi ko te mole talanoa ʼaē kiā Sosefo ʼi te fakamatala ʼo ʼuhiga mo te minisitelio ʼa Sesu ʼe ko he fakaʼiloga ʼaia kua mate ia, koteʼuhi ʼe talanoa pē ki te faʼē ʼa Sesu, mo tona ʼu tehina mo tuagaʼane. Ohagē lā ʼi te kātoaga ʼo te ʼohoana ʼi Kana, ʼe tou sio ai kiā Malia ʼe kau ki te fai ʼohoana pea mo ina fai te fakatuʼutuʼu, kae ʼe mole talanoa ai kiā Sosefo. (Soane 2:1-11) ʼI te tahi ʼaluʼaga, ʼe talanoa pē te hahaʼi ʼo te kolo ʼo Kilisito ki te tagata ko Sesu, ʼo mole natou ʼui ko te foha ʼo Sosefo, kae natou ʼui ko “te tama ʼa Malia.”—Maleko 6:3.