Nota

b ʼE ʼui fēnei iā Levitike 19:18: “ ʼE mole tonu anai ke ke lagavaka, peʼe ke taupau hou ʼita ki te ʼu foha ʼo tau hahaʼi; pea ʼe tonu ke ke ʼofa ki tou hoa ohagē pē ko koe totonu.” Neʼe akoʼi e te kau takitaki lotu Sutea ki te hahaʼi, ʼe fakaʼuhiga te ʼu kupusiga palalau “te ʼu foha ʼo tau hahaʼi” pea mo “tou hoa” ki te kau Sutea. Neʼe fakamaʼua ʼi te Lao ke fakamamaʼo te kau Iselaele mai te ʼu puleʼaga. Kae neʼe mole ʼui leva ʼi te Lao ohagē ko tona akoʼi ʼaē e te kau takitaki lotu ki te kau Sutea ʼo te ʼuluaki sēkulō, ʼe ko te hahaʼi fuli ʼaē neʼe mole Sutea ʼe ko te ʼu fili pea neʼe tonu ke natou fehihiʼa kiā nātou.