Nota

a ʼI te temi ʼae neʼe palalau ai Sesu ʼo ʼuhiga mo te fakailoga ʼo te ʼu ʼaho fakamuli, neʼe lahi te ʼu faʼifaʼitaki neʼe ina fakaha ki ʼana tisipulo. ʼE maʼuhiga ke tou fakatokagaʼi ko Sesu ʼae neʼe ʼuluaki palalau ki te “tagata faifekau agatonu mo poto,” ia te kiʼi kutuga fakanofo ʼae ka natou takitaki anai te hahaʼi ʼa te ʼAtua. (Mateo 24:45-47) Pea neʼe fakaʼaogaʼi e Sesu he ʼu faʼifaʼitaki ʼe talanoa ai ki te kau fakanofo fuli. (Mateo 25:1-30) ʼOsi ʼaia, neʼe palalau ʼo ʼuhiga mo natou ʼae ʼe lagolago anai ki te ʼu tehina ʼo Kilisito pea mo natou maʼu te maʼuli heʼe gata. (Mateo 25:31-46) ʼO toe feia pe, ʼi te temi ʼae neʼe kamata hoko ai te lea fakapolofeta ʼa Esekiele ʼi totatou temi, neʼe ʼuluaki fakaʼuhiga ia kia natou ʼae ʼe natou maʼu te ʼamanaki ke natou maʼuʼuli ʼi te lagi. ʼI te lea fakapolofeta ʼaia, ko te ʼu telepi ʼe hogofulu ʼo Iselaele ʼe natou fakata ia natou ʼae ʼe maʼuʼuli anai ʼo heʼe gata ʼi te kele. Kaʼe ko te logo tahi ʼae ʼe talanoa ki ai te polofeta, ʼe ina fakamanatuʼi mai kia tatou ia te logo tahi ʼae ʼe maʼu e te kau fakanofo pea mo natou ʼae ka maʼuʼuli anai ʼo heʼe gata ʼi te kele.