Nota

a ʼI te ʼu toega ʼo te kolo ko Seliko, neʼe lahi te fulumeto ʼae neʼe maʼu e te kau alekeolosia neʼe tanaki e te hahaʼi kae neʼe mole pe la natou kai. ʼE fakamoʼoni te faʼahi ʼaia ki te fakamatala Fakatohi-tapu, ʼae ʼe ui ai neʼe mole fualoa te ʼa takai ʼo te kolo pea neʼe mole fakagafua ki te kau Iselaele ke natou kakai ki te fulumeto ʼo te kolo ko Seliko. Neʼe ko he temi lelei ʼaia ki te kau Iselaele ke natou ʼohofi te fenua, he neʼe ko te temi ʼo te taʼukai pea neʼe mahu te meʼa kai ʼi te ʼu gaueʼaga.—Sosue 5:10-12.