Vaevae Te ʼu “Mea Lelei” ʼAki Te Tali Kaiga (Mat. 12:35)

ʼE mahino ia, ʼe tou fia vaevae te ʼu “mea lelei” mo ʼihi ʼaki tatatou “fakatalitali kaiga.” (Loma ­12:13) Pea ko te kau tagata ʼafeā ʼae ʼe natou ʼuluaki fai he ʼu fakatuʼutuʼu ʼo ʼuhiga mo te faʼahi ʼaia, ʼaki tanatou tokoni ki te totogi ʼo te feʼaluʼaki ʼa te ʼu tehina faiakonaki ʼo te tahi ʼu kokelekasio. Kaʼe, ʼe feala ke mole tou fia tali kaiga koteʼuhi ʼe mole tou maʼu meʼa peʼe tou tuʼania ʼi te fakaafe ʼihi ki totatou ʼapi. Kapau ʼe tou tokagaʼi fakamalotoloto ia te tokoni ʼae neʼe fai e Sesu kia Maleta, ʼe feala ke tokoni mai ke ʼaua naʼa tou maʼu te taʼi faʼahiga manatu ʼaia. (Luka 10:​39-42) Neʼe fakaha e Sesu ko “te vaega lelei” ʼo te tali kaiga ʼe ko te fakatahi mo ʼotatou tehina mo tuagaʼane pea mo te fefakalotomalohi­ʼaki, kaʼe ʼe mole ko he meʼa kai lahi ia peʼe ko he ʼapi matalelei. ʼAki tatatou maʼuliʼi ia te tokoni ʼaia, ʼe feala kia tatou fuli ke tou vaevae ia te ʼu “mea lelei” mo ʼotatou tehina mo tuagaʼane ʼo mulimuli ki te Folafola ʼa te ʼAtua.​​—3 Soa. 5-8.