Muli Mai Ia Te Au—ʼO Feafeaʼi?

9:62

Ke totonu te keli ʼa te tagata fuli kele, neʼe tonu ke mole fakaleluʼi ia ia e te ʼu meʼa ʼae ʼi muli. ʼE toe feia pe, ʼe mole tonu ki he Kilisitiano ke fakaleluʼi ia ia e te ʼu meʼa ʼo te malama ʼae neʼe kua ina liʼaki.—Flp 3:13.

Ka tou tau mo he ʼu fihifihia, ʼe lagi tou fakaʼamuʼamu leva ki te ʼu temi ʼafeā, ʼae neʼe mole heʼeki tou iloʼi ai te moʼoni. ʼI tatatou fakaʼamu ʼaia, ʼe tou laupisiʼi fau ai te ʼu fiafia ʼae neʼe tou maʼu, kae tou meʼa noaʼi te ʼu fihifihia ʼo te temi ʼaia. Neʼe feia te manatu ʼa te kau Iselaele ʼi tanatou mavae mai Esipito. (Nu 11:5, 6) Kapau ʼe tou fakamanatu tuʼumaʼu pe te temi muʼa, ʼe feala ai ke tou toe fia liliu ki totatou maʼuli ʼafeā. Koia, ʼe lelei age ke tou haga manatuʼi te ʼu tapuakina ʼae kua tou maʼu nei pea mo te ʼu fiafia ʼae ka tou maʼu anai moka pule te Puleʼaga ʼo te ʼAtua.—2Ko 4:16-18.