Tafitoʼaga ʼo Te Kaupepa Ako Te Maʼuli Fakakilisitiano Mo Te Faifakamafola
VAHAʼA ʼO TE ʼAHO 5-11 ʼO AUKUSITO
He ʼu Faipalalau
ʼULUAKI FAIPALALAU: Esa 33:24: E mole ui e he tahi: E au mahaki! E mau e te hahai o Selusalemi te fakamolemole o anatou agahala.
ʼULUAKI ʼAʼAHI: Pes 72:16: E lahi anai te fulumeto i te fenua, i te tumutumu o te u mouga, pea e gaugaue anai onatou toulu fulumeto o hage ko te u akau o Lipane, e matala anai te u tagata i te u kolo o hage ko te luna o te fenua.
TE ʼU KOLOA ʼO TE TOHI-TAPU | 2 TIMOTEO 1-4
“ ’Aki Te Laumalie Maʼoniʼoni ʼAe ʼe Foaki Mai e Te ʼatua, ʼe Mole Tou Liliu Ai ʼo Fula”
Kau Tūpulaga—Ke ʼIloga Takotou Hikihiki Ki Muʼa ʼi Te Faʼahi Fakalaumālie
9 Moʼo tokoni kiā Timoteo, neʼe fakamanatuʼi fēnei age e Paulo ki muli age: “Neʼe mole foaki mai e te ʼAtua he laumālie fula, kae ko he laumālie ʼe mālohi, mo ʼofa pea mo fakapotopoto.” (2 Tim. 1:7) Ko he tahi ʼe “fakapotopoto,” ʼe ko he tahi ʼe feala ke manatu pea mo fakakaukau poto. ʼE toe fakaʼuhiga kiai, ia tana lava tauʼi ʼo te ʼaluʼaga moʼoni ʼaē ʼe hoko. Ko ʼihi tūpulaga ʼaē kei fakakaukau ohagē ko he ʼu kihiʼi tamasiʼi, ʼe mole natou maʼu ia te mālohi fakakaukau ʼaē ʼe feʼauga moʼo tauʼi tonatou ʼu faigataʼaʼia, ʼo natou faʼa momoe peʼe sisio tuʼumaʼu ki te televisio, peʼe natou ʼinu kava peʼe fakaʼaogaʼi te toloke, peʼe natou fakafiafia tuʼumaʼu, peʼe natou fai he ʼu felāveʼi fakasino heʼeʼaoga. ʼE fakatotonu ki te kau Kilisitiano ke natou “liʼaki te aga heʼe fakalotu pea mo te ʼu holi ʼo te mālama, pea mo . . . [māʼuʼuli] fakapotopoto pea mo agatonu, pea mo . . . pipiki ki te ʼAtua ʼi te lotolotoiga ʼo te tuʼu ʼo te ʼu faʼahiga meʼa ʼaenī.”—Tito 2:12.
‘Koutou Lototoʼa Pea Mo Mālohi!’
7 Neʼe ʼui fēnei e Paulo, ʼi tana faitohi kia Timoteo: “Nee mole foaki mai kia tatou e te Atua he laumalie o te mataku, kae o te malohi . . . Koia, aua naa ke ufiufi i te fai o te fakamooni o totatou Aliki.” (2 Timoteo 1:7, 8; Maleko 8:38) ʼI tatatou lau te ʼu palalau ʼaia, ʼe feala ke tou feʼekeʼaki fēnei: ‘ ʼE ʼau ufiufi koa ki te ʼu meʼa ʼaē ʼe ʼau tui kiai peʼe ʼau lototoʼa? ʼI te faʼahi ʼaē ʼe ʼau gāue ai (peʼe ʼi te faleako), ʼe ʼau fakahā koa ki te hahaʼi ko ʼau ko te Fakamoʼoni ʼa Sehova peʼe ʼau faiga koa ke mole nātou ʼiloʼi? ʼE ʼau ufiufi koa heʼe mole ʼau tatau mo te hahaʼi peʼe ʼau fiafia ai ʼuhi ko taku ʼu felogoi mo Sehova?’ Kapau ʼe mole lelei te ʼu manatu ʼa he tahi ʼo ʼuhiga mo te faka mafola ʼo te logo lelei peʼe ʼo ʼuhiga mo tana agatonu ki he faʼahi ʼe mole leleiʼia e te hahaʼi, pea ʼe tonu ke ina manatuʼi te tokoni ʼa Sehova kia Sosue: “Ke ke lototoʼa pea mo mālohi.” Tou manatuʼi tuʼumaʼu, ʼe mole ko te manatu ʼa totatou ʼu kaugā gāue peʼe ko totatou ʼu kaumeʼa ʼi te faleako ʼaē ʼe maʼuhiga, kae ʼe ko te manatu ʼa Sehova pea mo Sesu Kilisito.—Kalate 1:10.
Kumi Te ʼu Koloa ʼi Te Tohi-Tapu
Kotou Kumi Ia Te ʼu Koloa Moʼoni
13 Ko Timoteo neʼe tui ki te ʼAtua. Neʼe fakahigoaʼi e te apositolo ko Paulo ia Timoteo ko “he tagata solia lelei ʼa Kilisito Sesu.” Pea hili ʼaia, neʼe ina ui fenei kia Timoteo: “Ko he tahi ʼe hu ki te solia ʼe mole ina fai he tahi age gaue moʼo taupau tona maʼuli, koteʼuhi ʼe ina loto ke leleiʼia ia ia e te tagata ʼae neʼe ina fakahu ia ia.” (2 Timoteo 2:3, 4) Ia ʼaho nei, ko te ʼu tisipulo ʼa Sesu ʼae ʼe kau ai te toko tahi miliona tupu ʼu tehina mo tuagaʼane ʼo te selevisi temi katoa, ʼe natou faiga malohi ke natou maʼuliʼi te tokoni ʼaia ʼa Paulo. ʼE natou tekeʼi te fakahaha ʼo te ʼu koloa ʼo te malama manumanū ʼaeni. Pea ʼe natou manatuʼi te pelesepeto ʼaeni: “E pule te tagata mau koloa ki te kau masiva, pea ko ia ae e too maua e popula kia ae nee too maua ai.” (Taaga Lea 22:7) ʼE loto e Satana ke tou fakaʼaogaʼi totatou temi mo totatou malohi ki te maʼuli faikoloa ʼo tona malama. Ko ʼihi ʼe natou toʼo maʼua moʼo totogi ʼaki honatou ʼapi, he motoka, peʼe ko he faiʼohoana. Kapau ʼe mole tou tokakaga, ʼe feala pe ke tou tuʼu maʼua lolotoga he ʼu taʼu. ʼE tou aga fakapotopoto anai moka ʼe tou maʼuli fakafeʼauga, moka mole tou toʼo maʼua pea moka tou fakaʼaogaʼi lelei tatatou foʼi falā. Pea kapau ʼe tou fai feia, ʼe tou tauhi ʼateaina anai ki te ʼAtua kaʼe mole tou popula ki te malama faikoloa ʼaeni.—1 Timoteo 6:10.
(Taaga Lea 22:7) E pule te tagata mau koloa ki te kau masiva, pea ko ia ae e too maua e popula kia ae nee too maua ai.
ʼE “Fakafisi Ki Te Heʼe Faitotonu” Te Hahaʼi ʼa Sehova
10 Ia ʼaho nei, ʼe tahitahiga te maʼu ʼo ni kau aposeta ʼi te kokelekasio. Kaʼe ʼe feala pe ke tou felaveʼi mo ni manatu ʼe fakafeagai ki te ʼu akonaki Fakatohi-tapu. Koia tatau aipe pe haʼu mai fea te ʼu manatu ʼaia, kaʼe ʼe tou fakatotonu anai ke tou liakī. Pea ʼe mole ko he aga fakapotopoto hatatou faipalalau fakahagatonu mo te kau aposeta, peʼe ʼi te Neti peʼe ʼi hona tahi atu aluʼaga. ʼE tou talagataʼa anai ki te ʼAtua mo kapau ʼe tou faipalalau mo natou he ʼe lagi tou fia tokoni kia natou. ʼE fakatotonu mai e Sehova ke tou liakī katoa ia te aposetasia.
Tou Fakatahi Tuʼumaʼu Mo Natou ʼAe ʼe ʼOfa Kia Sehova
(Taa 13:20) Ko ae e nofo tuumau mo te kau poto e liliu anai o poto, kae ko ae e fiafia i te nofo mo te kau vale e liliu anai o kovi.
(2 Kk 24:2) Nee fai leva e Soasi te mea ae e lelei kia mata o te Eteleno i te lolotoga o te mauli katoa o te tagata faisakilifisio ko Seosata.
(2Kk 24:17-19) I te osi o te mate o Seosata, nee omai leva te kau pule o Suta o punonou ia mua o te hau ko Soasi. Pea nee fakalogo leva te hau kia natou. 18 Pea nee natou siaki leva te fale o te Eteleno, te Atua o anatou tamai, kae nee natou tauhi leva kia Asitalate mo te u taulaatua. Nee to leva te hauhau o te Eteleno ki Suta mo Selusalemi, o tupu ko te u agahala aia. 19 Nee fekaui leva e te Eteleno kia natou ni polofeta ke toe aumai natou kia ia, kae nee mole natou fakalogo leva ki te u valoki ae nee natou fai kia natou.
VAHAʼA ʼO TE ʼAHO 12-18 ʼO ʼAUKUSITO
TE ʼU KOLOA ʼO TE TOHI-TAPU |TITO 1 –FILEMONE
“Fakanofo He ʼu Tagata ʼAfeā”
w14-F 15/11 28-29
Te ’u Fehu’i ’a Te Kau Lautohi
Logo la ʼe mole fakamahino fuli ʼi te Tohi-Tapu te faʼahiga fakanofo ʼo he tahi ʼi te kokelekasio ʼi te temi ʼaia, kae ʼe maʼu pe ni fakamahino ʼo ʼuhiga mo te faʼahi ʼaia. ʼE tuʼu ai ʼi tana liliu mai tona ʼuluaki folau misionea, neʼe ‘fakanofo e Paulo mo Palenapa he ʼu tagata ʼafeā ʼi te ʼu kokelekasio takitahi. Neʼe nā faikole pea mo sesunio, ʼo nā tuku ai te ʼu tagata ʼafeā ʼaia kia Sehova, ʼae neʼe natou tui kia te ia.’ (Gaue 14:23) Pea ʼi ni taʼu ki muli age, neʼe faitohi fenei e Paulo ki tana kaugā folau ko Tito: “Neʼe au tuku koe ʼi Kelete ke ke fakatokatoka te ʼu meʼa ʼae ʼe tonu ke fakatonutonuʼi, pea mo fakanofo he ʼu tagata ʼafeā ʼi te ʼu kolo takitahi, ʼo mulimuli ki te ʼu tokoni neʼe au fai atu.” (Tito 1:5) ʼO toe feia pe mo Timoteo ʼae neʼe fefolauʼaki mo te apositolo ko Paulo, neʼe ina maʼu te fealagia ʼae ke ina fakanofo he tahi. (1Tim. 5:22) ʼE ha ʼaki mai ai, neʼe ko te kau taupau kae mole ko te kau apositolo mo te kau tagata ʼafeā ʼi Selusalemi ʼae neʼe natou fai te ʼu fakanofo.
ʼO mulimuli ki te faʼifaʼitakiʼaga ʼaia, neʼe fetogi e te Kolesi Pule ʼo te Kau Fakamoʼoni ʼa Sehova tanatou faʼahiga fakanofo ia te kau tagata ʼafeā mo te kau tagata faifekau fakaminisitelio. ʼO kamata atu ʼi te ʼaho 1 ʼo Sepetepeli 2014, ʼe fakahoko fenei anai te ʼu fakanofo: ʼE vakavakaʼi anai e te taupau ’o te siliko te ʼu fakatuʼutuʼu ʼa te kau tagata ʼafeā ʼo te ʼu kokelekasio ʼo tana siliko ʼo ʼuhiga mo he ʼu tehina ʼe tuha mo natou ke fakanofo. ʼI te vahaʼa ʼae ka ina ʼaʼahi ai te ʼu kokelekasio, ʼe ina faigaʼi anai ke ina iloʼi lelei te ʼu tehina ʼaia ʼo faifakamafola mo natou mo kapau ʼe feala. ʼI tana vakavakaʼi mo te ʼu kolesi ʼo te kau tagata ʼafeā te ʼu fakatuʼutuʼu ʼaia, ko ia anai ʼae ka ina fakanofo te ʼu tagata ʼafeā mo te ʼu tagata faifekau fakaminisitelio ʼi te ʼu kokelekasio ʼo tana siliko. Ko te faʼahiga fai ʼaia ʼe tatau mo ʼae ʼi te ʼuluaki sekulo.
Ko ai ʼae ʼe ina fakatuʼutuʼu te ʼu gaue kehekehe ʼaia? Ko te gaue maʼuhiga ʼo “te tagata faifekau agatonu mo poto” ’e ko te foaki tuʼumaʼu te meʼa kai ki ʼana hahaʼi gaue. (Mat. 24:45-47) Koia, ʼe ina ako fakamalotoloto te Tohi-Tapu ʼaki te tokoni ʼo te laumalie maʼoniʼoni ke feala ai hana fakamahino te ʼu pelesepeto Fakatohi-tapu ʼo ʼuhiga mo te faʼahiga fakatuʼutuʼu ʼo te kautahi. ʼE ina fakanofo te ʼu taupau siliko mo natou ʼae kau ki te komite ʼo te filiale. Ko te pilo ʼo te filiale ʼae ka ina fakahoko te ʼu fakatotonu ʼae ʼe haʼu mai te Kolesi Pule. ʼE ko he maʼua ki te ʼu kolesi ʼo te kau tagata ʼafeā takitokotahi ke natou vakavakaʼi fakalelei te ʼu tehina ʼae ʼe natou fia fakanofo ʼi te kokelekasio ʼa te ʼAtua, ʼae ʼe mulimuli ki te ʼu fakamaʼua Fakatohi-tapu. ʼE tonu ki te kau taupau siliko takitokotahi ke natou vakavakaʼi te ʼu fakatuʼutuʼu ʼa te kau tagata ʼafeā, ʼo faikole pea ke natou fakanofo te ʼu tehina ʼae ʼe natou maʼu te ʼu kalitate ʼae ʼe fakamaʼua age.
Kumi Te ʼu Koloa ʼi Te Tohi-Tapu
w89-F 15/5 31 ¶5
Te ’u Fehu’i ’a Te Kau Lautohi
Neʼe mole tali e Paulo ke fai he ʼu palalau kovi ki te kau Kelete ʼo ʼuhiga mo tanatou lanu. Kailoa ia. Koteʼuhi neʼe iloʼi e Paulo neʼe ʼi ai ʼi Kelete he kau Kilisitiano ʼe lelei neʼe fakanofo e te ʼAtua ʼaki Tona laumalie maʼoniʼoni. (Gaue 2:5, 11, 33) Neʼe ʼi ai pe ʼi Kelete he ʼu Kilisitiano faʼafai moʼo faʼufaʼu te ʼu kokelekasio “ ʼi te ʼu kolo takitahi.” Logo la tonatou heʼe haohaoa, neʼe mole ko he ʼu hahaʼi gutuloi mo kakai fakavale pea mo pipiko, kana ʼaua la neʼe liʼakina natou e Sehova. (Filipe 3:18, 19; Fakaha 21:8) Neʼe toe ʼi ai foki ʼi Kelete, ohage pe ko te ʼu fenua fuli ia ʼaho nei, he ʼu hahaʼi fakamalotoloto neʼe lotomamahi ʼuhi ko te agakovi ʼaupito ʼa te hahaʼi, pea neʼe natou tali lelei te logo lelei.—Esekiele 9:4; vakaʼi ia Gaue 13:48.
(Esekiele 9:4) Nee ui leva te Eteleno kia ia: Alu i te loto kolo, i loto o Selusalemi, pea ke fai he fakailoga i te lae o te u tagata ae e mamahi pea mo tagi o tupu ko te u mea fakalialia fuli ae e fai i ai.
Ko He ʼu Puani ʼAoga ʼo Te ʼu Tohi Kiā Tito, Kiā Filemone, Pea Ki Te Kau Hepeleo
15, 16—Koteā te tupuʼaga ʼo te mole kole e Paulo kiā Filemone ke ina fakaʼāteaina ia Onesimo? Neʼe loto e Paulo ke tokaga tāfito pē ki tana fakatotonu ʼaē ‘ke fakamafola ia te puleʼaga ʼo te ʼAtua pea mo faiakonaki ki te ʼu meʼa ʼo ʼuhiga mo te ʼAliki ko Sesu Kilisito.’ Koia lā ʼaē, neʼe ina filifili ke fakamamaʼo mai te ʼu faʼahi fakasōsiale, ohagē lā ko te ʼu faʼahi ʼo ʼuhiga mo te maʼuli kaugana.—Gāue 28:31.
“ ʼU Tupulaga—Kotou ‘Faʼafai ʼi Te ʼu Gaue Lelei’ ”
(Taaga Lea 20:29) Ko te malohi ko te kololia o te kau tupulaga, pea ko te ulu hina ko te kolona o te kau matua.
(Pesalemo 37:5) Tuku tou mauli ki te Eteleno, tuku tau falala kia ia, pea e gaue anai ia ia.
VAHAʼA ʼO TE ʼAHO 19-25 ʼO ʼAUKUSITO
TE ʼU KOLOA ʼO TE TOHI-TAPU | HEPE- LEO 1-3
“Kotou ʼOʼofa Ki Te Faitotonu Kae Kotou Fehihiʼa Ki Te Maumauʼi ʼo Te Lao”
Tou Fakavikiviki Kia Kilisito Te Hau Taulekaleka
8 ʼI te taʼu 1914, neʼe fakanofo e Sehova ia tona ʼAlo ko te Hau Fakamesia ʼi selo. Ko te “tokotoko” ʼo te puleʼaga ʼo Sesu ʼe ko te ‘tokotoko o te faitotonu,’ koia ʼe feala ai ke tou tui papau ʼe faitotonu tuʼumaʼu anai ia tana takitaki. Ko Sesu ʼae ʼe tonu ke Hau koteʼuhi neʼe fakanofo ia ia e Sehova ko he Hau. Pea ʼe tuʼu anai ʼo “heegata” ia te puleʼaga ʼo Sesu. ʼE mole tou fiameʼameʼa koa la ʼi tatatou tauhi kia Sehova ʼi te takitaki ʼa te Hau ʼae neʼe ina fakanofo?
Tou Fakavikiviki Kia Kilisito Te Hau Taulekaleka
7 Lau ia Pesalemo 45:7, 8. Neʼe ʼofa lahi ia Sesu ki te faitotonu pea mo fehiʼa kia faʼahi fuli neʼe feala ke fakalainoa ai tana Tamai, koia ʼae neʼe fakanofo ai e Sehova ia ia ke Hau ʼi te Puleʼaga Fakamesia. Neʼe fakanofo ia Sesu ʼaki te “lolo o te fiafia” ʼo lahi age ʼi ʼona “kaumea,” ia te ʼu hau ʼo Suta ʼae neʼe ko te hakoga pe la ʼo Tavite. ʼO feafeaʼi? ʼUluaki, neʼe fakanofo tonu e Sehova ia Sesu. Lua, neʼe fakanofo Sesu ko he Hau pea mo Pelepitelo Lahi. (Pes. 2:2; Hep. 5:5, 6) Tolu, neʼe mole fakanofo ia Sesu mo he moʼi lolo ohage ko te ʼu hau Iselaele kaʼe ʼaki te laumalie maʼoniʼoni. Pea tahi, ʼe pule mai te lagi kaʼe mole ʼi te kele.
(Pesalemo 45:6, 7) Ko tou hekaaga fakahau, oi Atua, e tuu o heegata; ko te tokotoko o tau pule ko he tokotoko o te maonioni. 8 E ke ofa ki te faitotonu, kae e ke fehia ki te agakovi: Koia, oi Atua, ko tou Atua nee ina pani koe aki he lolo o te fiafia o lahi age i ou kaumea.
(Pesalemo 2:2) Kotea kua malaga ai ki oluga te u hau o te kele, pea kua kau ai te u pule mo natou, o agatuu ki te Eteleno mo tona Mesia?
Kumi Te ʼu Koloa ʼi Te Tohi-Tapu
it-1-F 1170 ¶5
Pāki
Neʼe fakaʼata tuʼumaʼu koa e Sesu ia tana Tamai?
Ko te ʼAlo ʼulutokotahi ʼo te ʼAtua, ʼae neʼe liliu ki muli age ko te tagata ko Sesu, ʼe ko te pāki ʼo tana Tamai. (2Ko 4:4) Neʼe ko Sesu ʼae neʼe palalau ki ai ia te ʼAtua ʼi tana ui ʼae: “ ‘Ta fai te tagata ki totā pāki.’ ” ʼE tou mahino ai ko te tatau ʼae ʼo te ʼAlo mo tana Tamai, neʼe kua kamata ia ʼi te temi ʼae neʼe fakatupu ai te ʼAlo. (Sen 1:26, MN; Soa 1:1-3; Kol 1:15, 16) ʼI tana ʼi te kele ʼi tona ʼuhiga tagata haohaoa, neʼe ina faiga tuʼumaʼu pe ke ina maʼuliʼi te ʼu kalitate mo te agaaga ʼa tana Tamai, ʼo feala ai ke ina ui fenei: “Ko ʼae kua sio kia te au, kua toe sio ia ki te Tamai.” (Soa 14:9; 5:17, 19, 30, 36; 8:28, 38, 42) Neʼe ha lelei tana tatau ʼae mo tana Tamai,ʼi te temi ʼae neʼe fakatuʼuake ai ia Sesu ki te maʼuli fakalaumalie, ʼi te tuku age e tana Tamai ko Sehova ʼAtua, “te pule katoa ʼi te lagi pea mo te kele.” (1Pe 3:18; Mat 28:18) Koia, ʼi tana hikihiki ake e te ʼAtua ki “he tuʼulaga maʼoluga,” neʼe fakaʼata lelei ai e Sesu te kololia ʼo tana Tamai ʼi hona aluʼaga ʼe lahi age, ʼi ʼae ʼi tana kei ʼi selo ʼi muʼa ʼo tana hifo mai ki te kele. (Flp 2:9; Hep 2:9) Kua liliu nei ko “te fakata totonu ʼo te ʼuhiga ʼo te ʼAtua.”—Hep 1:2-4.
it-1-F 478 ¶1
Lagi
ʼE fakahagahaga te ʼu palalau ʼae ʼo te Pesalemo 102:25, 26 kia Sehova ʼAtua. Kae, ʼe toe fakahagahaga e te apositolo ko Paulo kia Sesu Kilisito. Kotea tona tupuʼaga? Koteʼuhi neʼe fakaʼaogaʼi e te ʼAtua tona ʼAlo ʼulu tokotahi ki te fakatupu ʼo te ʼatulaulau. Neʼe fakakeheʼi e Paulo ia te heʼe gata ʼo te ʼAlo ʼo te ʼAtua mo te fakatupu ʼae kapau neʼe loto ki ai ia te ʼAtua, neʼe feala pe ke ina ‘takatakai te kele mo te lagi ohage ko he pulupulu’ pea mo tuku kehe.—Hep 1:1, 2, 8, 10-12; vakaʼi ia 1Pe 2:3, nota.
(Pesalemo 102:25, 26) Nee ke fakatupu i te kamataaga te kele, pea ko te atu lagi ko te gaueaga o ou nima. 26 E natou pupuli anai, kae e ke afio aipe, e natou popo fuli anai o hage ko he kofu; e ke fetogi anai natou o hage ko he pulupulu, pea e fetogi anai natou.
VAHAʼA ʼO TE ʼAHO 26 ʼO AUKUSITO –1 ʼO SEPETEPELI
TE ʼU KOLOA ʼO TE TOHI-TAPU | HEPELEO 4-6
“Faiga Malohi Ke Ke Hu Ki Te Maloloʼaga ʼa Te ʼAtua”
Koteā Te Fakaʼuhiga ʼo Te Mālōlō ʼa Te ʼAtua?
3 ʼAki te ʼu fakamoʼoni e lua, ʼe tou ʼAki t ai ko te fitu ʼaho neʼe kei hoko atu pē ia ʼi te ʼuluaki sēkulō ʼo totatou temi. ʼUluaki fakamoʼoni, tou vakaʼi age muʼa te ʼu palalau neʼe fai e Sesu ki te hahaʼi fakafeagai, ia nātou ʼaē neʼe natou valokiʼi ia ia ʼi tana fakamālōlō te tagata mahaki ʼi te ʼaho ʼo te Sāpato, he neʼe natou fakaʼuhiga ia tana aga ʼaia ohagē pē neʼe ina fai hana gāue. Neʼe ʼui fēnei age e te ʼAliki kiā nātou: “Ko taku Tamai neʼe gāue tuʼumaʼu ʼo kaku mai ki te temi nei, pea mo au ʼe au gāue tuʼumaʼu.” (Soa. 5:16, 17) Neʼe koteā te fakaʼuhiga ʼo te ʼu palalau ʼaia neʼe ina fai? Neʼe fakalakahalaʼi ia Sesu ʼo ʼui neʼe gāue ʼi te ʼaho ʼo te Sāpato. Ko te tali ʼaenī neʼe ina fai ki tona fakalakahalaʼi ʼaia: “Ko taku Tamai neʼe gāue tuʼumaʼu.” ʼI tona fakahagatonu, neʼe hagē pē neʼe ʼui fēnei age e Sesu kiā nātou ʼaē neʼe natou valokiʼi ia ia: ‘Ko au mo taku Tamai ʼe mā fakahoko pē te gāue e tahi. Neʼe gāue tuʼumaʼu pē taku Tamai talu mai tona Sāpato ʼaē ʼe loaloaga iā taʼu e lauʼi afe, koia ʼe feala aipē kiā au ke au gāue, tatau aipē peʼe ko te ʼaho ʼo te Sāpato.’ Koia, neʼe fia talanoa ia Sesu ʼi te temi ʼaia, ko te fakatuʼutuʼu ʼaē neʼe fai ʼi te kamata ʼo ʼuhiga mo te kele, te ʼaho ʼo te Sāpato lahi ʼo te mālōlō ʼa te ʼAtua, ia te fitu ʼaho, neʼe heʼeki ʼosi ia ʼi tona temi.
4 ʼE ko te ʼE ko te t ko Paulo ʼE ʼe ina foaki mai te lua fakamoʼoni ʼo ʼuhiga mo te fitu ʼaho neʼe kei lolotoga hoko atu pē ʼi tona temi. ʼO ʼuhiga mo te mālōlō ʼa te ʼAtua ʼaē ʼe talanoa kiai ia Senesi 2:2, neʼe ʼui fēnei e te ʼapositolo ko Paulo ʼi tana tohi neʼe takitaki e te ʼAtua: “Ko tātou ʼaē neʼe tou tui, ʼe tou hū ki te mālōlō.” (Hep. 4:3, 4, 6, 9) Koia neʼe kei hoko atu pē te fitu ʼaho ʼi te temi ʼaē ʼo Paulo. Kae ko temi koa ʼe fia ʼaē ʼe tonu ai ke hoko atu ai ia te ʼaho mālōlō ʼaia ʼo te ʼAtua?
(Senesi 2:2) Nee fakaosi leva e te Atua tana gaue i te fitu aho, pea nee malolo leva ia ia i ana gaue fuli ae nee ina fai.
5 Moʼo tali ki te fehuʼi ʼaia, ʼe tonu ke tou manatuʼi peʼe koʼē neʼe fakatuʼu ia te fitu ʼaho. ʼE fakamahino iā Senesi 2:3, peʼe koteā te fakaʼuhiga ʼo te ʼaho ʼaia: “Neʼe tapuakiʼi e te ʼAtua te fitu ʼaho pea mo ina fakaʼuhiga ʼe ko he ʼaho taputapu.” Neʼe ‘fakaʼuhiga te ʼaho ʼaia ʼe taputapu,’ peʼe māʼoniʼoni, peʼe fakakeheʼi e Sehova te ʼaho ʼaia moʼo fakahoko kātoa ai ia tana fakatuʼutuʼu. Ko te fakatuʼutuʼu ʼaia ke nofoʼi te kele e ni hahaʼi tagata mo fafine fakalogo ʼe natou tōkakaga anai kiai pea mo meʼa fuli ʼe māʼuʼuli ai. (Sen. 1:28) ʼE ko te fakatuʼutuʼu lā ʼaia, ʼaē neʼe ‘gāue tuʼumaʼu ai ʼo kaku mai ki te temi nei’ ia Sehova ʼAtua pea mo Sesu Kilisito, ia te ‘ ʼAliki ʼo te sāpato.’ (Mat. 12:8) Ko te ʼaho mālōlō ʼa te ʼAtua ʼe hoholo mai anai ʼo aʼu ki te temi ʼʼa kā fakahoko kātoa ai anai ia tana fakatuʼutuʼu ʼo ʼuhiga mo te ʼaho ʼaia, ʼi te fakaʼosi ʼo te ʼAfio ʼa Kilisito Iā Taʼu e Afe.
(Senesi 2:3) Nee tapuaki leva te Atua ki te fitu aho, pea nee ina vahei kehe leva te aho aia, koteuhi nee malolo leva ia ia i te aho aia i ana gaue fuli ae nee ina fai.
(Senesi 1:28) Nee tapuaki leva te Atua kia naua, pea nee ui leva e te Atua kia naua: Kolua fanaunau, kolua liuliuga, kolua fakahahai te kele, pea kolua pulei ia ia; kolua pule ki te u ika o te tai, mo te u manulele o te lagi, pea mo te u manu fuli ae e taka i te kele.
Koteā Te Fakaʼuhiga ʼo Te Mālōlō ʼa Te ʼAtua?
6 Neʼe fakamahino lelei kiā Atama mo Eva ia te fakatuʼutuʼu ʼa te ʼAtua, kae neʼe mole nā fia lagolago kiai. ʼE mahino ia, neʼe ko Atama pea mo Eva ʼae neʼe nā ʼuluaki talagataʼa. Talu mai iā nāua, neʼe ʼi ai mo te ʼu toko lauʼi miliona hahaʼi neʼe natou talagataʼa. Māʼiapē lā mo te hahaʼi ʼa te ʼAtua, ia te puleʼaga ʼo Iselaele, neʼe natou talagataʼa mo nātou. Koia ʼaē neʼe fakatokagaʼi ai e Paulo ki te kau Kilisitiano ʼo te ʼuluaki sēkulō, ʼe ʼi ai pē anai ʼihi iā nātou ʼe natou tō ki te hele ʼaia ohagē ko te kau Iselaele ʼo te temi muʼa. Neʼe ina tohi fēnei: “Koia tou faiga kātoa ke tou hū ki te mālōlō ʼaia, naʼa feala pē ke tō he tahi ki te talagataʼa ʼaia.” (Hep. 4:11) Kotou tokagaʼi ʼe fakapipiki tahi e Paulo ia te talagataʼa pea mo te mole hū ʼaē ki te mālōlō ʼa te ʼAtua. Koteā tona fakaʼuhiga kiā tātou? Kapau ʼe tou fakafeagai ki te fakatuʼutuʼu ʼa te ʼAtua ʼi he ʼaluʼaga pē, ʼe feala anai koa ke tou hū ki te mālōlō ʼa te ʼAtua? ʼE mahino ia, ʼe maʼuhiga ʼaupitō kiā tātou ia te tali ʼaē ki te fehuʼi ʼaia, pea ʼe hoki tou vakaʼi anai tona tali ki muli age. Kae tou vakaʼi age muʼa peʼe koteā he tahi ako ʼe tou lava tāʼofi mai te hū ʼaē ki te mālōlō ʼa te ʼAtua, ʼaki te faʼifaʼitaki kovi ʼaē neʼe tuku mai e te kau Iselaele.
Koteā Te Fakaʼuhiga ʼo Te Mālōlō ʼa Te ʼAtua?
16 ʼE fakamaʼua anai e ʼihi Kilisitiano iā ʼaho nei ke fakaʼaogaʼi ʼihi faʼahi ʼo te Lao ʼa Moisese, ke feala ai honatou haofaki. Ko te ʼu palalau ʼʼaho ʼa Paulo ki te kau Efesi, ʼaē neʼe takitaki e te ʼAtua neʼe tāsilo lelei: “ ʼE mahino ia, ʼaki te ʼofa makehe ʼE ma, neʼe haofaki ai koutou ʼaki te tui; pea ʼe mole haʼu ia mai iā koutou, kae ʼe ko te meʼa ʼofa ia ʼo te ʼAtua. Pea ʼe mole haʼu ia mai he ʼu gāue, ke ʼaua naʼa haga pē he tahi ʼo fakakolōliaʼi ia ia totonu.” (Efe. 2:8, 9) Pea ʼe fakaʼuhiga feafeaʼi ki te kau Kilisitiano ia te hū ʼaē ki te mālōlō ʼa te ʼAtua? Neʼe tuku keheʼi e Sehova ia te fitu ʼaho, ia tona ʼaho mālōlō, ke ina fakahoko fakakolōlia ai ia tana fakatuʼutuʼu ʼo ʼuhiga mo te kele. ʼE tou lava hū ki te mālōlō ʼa te ʼAtua, peʼe ke tou fakatahi mo ia ʼi tana mālōlō, ʼaki tatatou gāue tahi mo he loto fakalogo ki te fakahaʼele ki muʼa ʼo tana fakatuʼutuʼu ohagē ko tona fakahā mai e tana kautahi.
17 ʼI te tahi age faʼahi, kapau ʼe tou meʼa noaʼi te ʼu tokoni Fakatohi-tapu ʼI ʼe fai mai e te kalasi ʼo te tagata kaugana agatonu mo poto, ʼo tou fia maʼuli faʼifaʼitaliha, pea ʼe tou fakafeagai anai ki te fakatuʼutuʼu ʼa te ʼAtua ʼʼe neʼe kua ina fakahā mai. ʼE feala ke fakatupu kovi ki tatatou ʼu felōgoi lelei ʼaē mo Sehova. ʼI te ʼalatike ʼaē kā hoa mai, ʼe tou vakaʼi ai anai he ʼu ʼaluʼaga ʼe feala ke tou fakahā ai peʼe tou fakalogo. Ko te ʼu tonu ʼaē kā tou fai anai ʼi te ʼu ʼaluʼaga ʼaia, ʼe tou fakahā ai anai peʼe kua tou hū ki te mālōlō ʼa te ʼAtua.
Kumi Te ʼu Koloa ʼi Te Tohi-Tapu
Te ’u Fehu’i ’a Te Kau Lautohi
Kotea ia “te folafola a te Atua” ʼae ʼe ui ia Hepeleo 4:12 “e mauli, mo malohi”?
▪ Ka tou lau ia te kapite 4 ʼo te tohi ʼo Hepeleo, ʼe tou mahino ai neʼe palalau ia Paulo ki te logo ʼa te ʼAtua ʼo ʼuhiga mo tana fakatuʼutuʼu, ʼae ʼe tou maʼu ʼi te Tohi-Tapu.
ʼE tautau fakamahino ʼi ʼatatou tohi ia te vaega ʼo Hepeleo 4:12, ʼo ui ai ʼe maʼu e te Tohi-Tapu te malohi ke ina fetogi te ʼu maʼuli ʼo te hahaʼi. Pea ʼe moʼoni te fakamahino ʼaia. Kaʼe, ʼe lelei ke tou mahino pe kotea ʼae neʼe lolotoga palalau ki ai ia Paulo, ʼi te temi ʼae neʼe ina tohi ai ia te vaega ʼo Hepeleo 4:12. Neʼe ina fakalotomalohiʼi ia te kau Kilisitiano Hepeleo ke natou lagolago ki te ʼu fakatuʼutuʼu ʼa te ʼAtua. ʼE lahi te ʼu fakatuʼutuʼu ʼaia ʼe tou maʼu ʼi te Tohi-Tapu. Neʼe palalau ia Paulo ʼo ʼuhiga mo te kau Iselaele ʼi te temi ʼae neʼe fakaʼateainaʼi natou e te ʼAtua mai Esipito. Neʼe natou ʼamanaki ʼe natou ulu anai “ki he fenua ʼe tafe ai te huʼa pipi pea mo te meli,” pea ʼe natou maʼu anai te malolō moʼoni.—Ekesote 3:8, MN; Tetelonome 12:9, 10.
(Ekesote 3:8) ’E au hifo mo’o hāofaki o nātou mai te kau Esipito pea mo fakahake ia nātou ki he fenua lelei pea mo lahi, ki he fenua ’e tafe ai te hu’a pipi pea mo te meli, ki he koga me’a ’e nonofo ai te kau Kanaane pea mo te kau Itite, mo te kau Amolite pea mo te kau Pelisite, mo te kau Ivite pea mo te kau Sepusite.
(Tetelonome 12:9, 10) Koteuhi e heeki kotou kaku ki te fenua o te malolo ae e foaki kia koutou e te Eteleno, tokotou Atua. 10 Kae e kotou fakalaka anai i te Solotane, pea e kotou nonofo anai i te fenua o te tofiga ae e foaki atu anai kia koutou e te Eteleno, tokotou Atua; e ina tuku atu anai te malolo kia koutou, i te osi o tana haofaki koutou mai okotou fili fuli ae e natou a takatakai koutou, pea e ina fakanofo anai koutou i te fimalie.
Neʼe ko te fakatuʼutuʼu ʼaia ʼa te ʼAtua. Kaʼe neʼe fakafisi te kau Iselaele ki te takitaki ʼa Sehova pea neʼe mole kei natou tui kia te ia. Koia, tokolahi ia natou neʼe mole natou ulu ai ki te maloloʼaga ʼaia. (Numelo 14:30; Sosue 14:6-10) Kaʼe neʼe ui e Paulo ʼe kei tuʼu pe ‘te fakapapau ke kotou ulu ki te maloloʼaga ʼo te ʼAtua.’ (Hepeleo 3:16-19; 4:1) Ko te “fakapapau” ʼaia ʼe kau ki te ʼu faʼahi ʼae neʼe fakaha e te ʼAtua ʼo ʼuhiga mo tana fakatuʼutuʼu. ʼE feala ke tou lau ia te ʼu faʼahi ʼaia pea mo lagolago ki tana fakatuʼutuʼu, ohage pe ko tona fai e te kau Kilisitiano Hepeleo. Neʼe talanoa e Paulo ki te ʼu vaega ʼo Senesi 2:2 pea mo Pesalemo 95:11, moʼo fakamoʼoni ai ko te fakapapau ʼaia ʼe fakatafito ki te Tohi-Tapu.
(Numelo 14:30) E mole kotou feulufi anai ki te fenua ae nee au fakapapau ke fakanofo ai koutou, gata pe kia Kalepo, foha o Sefune, mo Sosue, foha o Nune.
(Sosue 14:6-10) Nee fakaoviovi age leva te u foha o Suta kia Sosue, i Kilikale; pea nee ui leva e Kalepo, foha o Sefune, tagata Kenasi, kia ia: E ke iloi te mea ae nee fakaha e te Eteleno kia Moisese, tagata a te Atua, o uhiga mo au pea mo koe, i Katesi-Palenea. 7 Nee au tau fagofulu i te temi aia nee fekau ai au e Moisese, tagata faifekau a te Eteleno, mai Katesi-Palenea, ke au alu o sivisivi te fenua, pea nee au fai kia ia he fakamatala o mulimuli ki te mea ae nee au mau i toku loto. 8 Nee fakalotovaivaii leva te hahai e oku tehina ae nee hahake mo au, kae ko au, nee au haele katoa i te ala o te Eteleno, toku Atua. 9 Pea nee fakapapau leva Moisese i te aho aia, o ui mai kia au: E mooni, ko te fenua ae nee malaki e tou vae e liliu anai ko tou tofiga pea mo te tofiga o ou foha o heegata, o tupu nee ke mulimuli katoa i te ala o te Eteleno, tou Atua. 10 Koeni kua fakatologa e te Eteleno toku mauli o kaku mai ki te aho nei, o hage ko te mea ae nee ina fakaha kia au. Kua osi tau e fagofulu ma nima ki te fakapapau aena nee fai e te Eteleno kia Moisese, i te temi ae nee haele ai Iselaele i te toafa; pea koeni kua au tau valugofulu ma nima i te aho nei.
(Senesi 2:2) Nee fakaosi leva e te Atua tana gaue i te fitu aho, pea nee malolo leva ia ia i ana gaue fuli ae nee ina fai.
(Pesalemo 95:11) Koia nee au fakapapau ai i toku ita: E mole natou ulu anai ki toku malolo!
ʼE tou fiafia ʼi tatatou iloʼi ʼae ʼe ‘kei tuʼu ai te fakapapau ke kotou ulu ki te maloloʼaga ʼo te ʼAtua.’ ʼE tou tui ki te Tohi-Tapu moka ui mai ʼe kei feala pe ke tou ulu ki te maloloʼaga ʼo te ʼAtua. Pea ʼe tou faiga ke tou ulu ki ai. Kaʼe ʼe mole tou faiga ke tou fakalogo ki te Lao ʼa Moisese, pe ʼe fai he ʼu gaue ʼe lelei ke tupu ai te ʼofa ʼo Sehova kia tatou. Kailoa ia. Kaʼe ʼe tou haga lagolago ki te fakatuʼutuʼu ʼa te ʼAtua koteʼuhi ʼe tou tui kia te ia. Ko te toko lauʼi afe hahaʼi ʼi te malamanei katoa ʼe natou kamata ako te Tohi-Tapu pea mo ako pe kotea ʼae ʼe ui e Sehova ʼo ʼuhiga mo tana fakatuʼutuʼu. Koia, tokolahi ia natou ʼe natou fetogi tanatou faʼahiga maʼuli, mo fakaha tanatou tui pea mo papitema. ʼE ha mai ʼi te ʼu aluʼaga ʼaia “ko te folafola a te Atua e mauli, mo malohi.” Ko te ʼu faʼahi ʼae neʼe fakaha mai e te ʼAtua ʼi te Tohi-Tapu, neʼe ina fetogi ʼotatou maʼuli, pea ʼe hoko atu pe tana gaue ʼi ʼotatou maʼuli.
it-1-F 799-800 ¶7
ʼAmanaki
Ko te ʼamanaki ʼae ki te maʼuli heʼe gata mo te maʼuli tuputupua ʼo natou ʼae ʼe “kau ki te pauʼi ki selo,” (Hep 3:1) ʼe ko he fakatafitoʼaga moʼoni, ʼe feala ke natou falala moʼoni ki ai. ʼE fakatafito ki te fakapapau mo te fakamoʼoni ʼa te ʼAtua. Pea ʼe mole feala ke loi ia te ʼAtua ʼo ʼuhiga mo te ʼu aluʼaga ʼaia ʼe lua. Pea tahi ko te ʼamanaki ʼaia ʼe nofo ia Kilisito ʼae ʼe maʼuli tuputupua nei ʼi selo. Koia ʼae ʼe ui ʼo ʼuhiga mo te ʼamanaki ʼaia, ʼe hage “ko he foʼi tau ki ʼotatou maʼuli, ʼe tuha mo te falala pea mo tuʼu malohi, pea ʼe ina taki tatou ki te tahi faʼahi ʼo te lito [ohage ko te ʼulu ʼae ʼa te pelepitelo lahi ki te Potu Taputapu ʼAupito ʼi te ʼAho ʼo te ʼu Faifakalelei]. Neʼe ʼuluaki hu ia Sesu ki ai, ʼo ina avahi mo teuteuʼi te ala maʼa [natou], pea mo liliu ai ko he pelepitelo lahi ʼo talu ai ohage ko Melekiseteke.”—Hep 6:17-20.