Ko Te Agamaʼa Mo Te Fakaʼapaʼapa ʼe Malave Loto

Ko te aga fakaʼapaʼapa ʼo te ʼu tuagaʼane neʼe tupu ai te tali e ʼonatou ʼohoana ia te moʼoni. Kae ʼi muʼa atu, neʼe lagi natou ʼutakiʼi ni faigataʼaʼia lolotoga ni taʼu. (1Pe 2:21-23; 3:1, 2) Kapau ʼe ke tau mo he mamahi kae neʼe mole ke fai he meʼa ʼe kovi, ke ke haga malo ʼi te kovi ʼaki te lelei. (Lom 12:21) ʼE lagi mole fia iloʼi e tou ʼohoana ia Sehova, kae ʼi tana tokagaʼi tau aga, ʼe feala ai ke fetogi tana faʼahiga manatu ʼo ʼuhiga mo te moʼoni.

Faiga ke ke iloʼi tana faʼahiga manatu. (Flp 2:3, 4) Ke ke lotomahino mo manavaʼofa ki ai, pea ke fakahoko ʼou maʼua ʼi tou ʼuhiga fafine ʼohoana. Fagono lelei moka ʼe palalau atu. (Skp 1:19) Ke ke faʼa kataki mo fakaha age tou ʼofa. Logo la ʼe mole agalelei mo fakaʼapaʼapa atu, manatuʼi, ʼe fiafia ʼaupito ia Sehova ʼi tau nofo agatonu.—1Pe 2:19, 20.

VAKAʼI TE ʼATA VITEO ʼE UGA TATOU E SSHOVA KE TOU TAHI ʼAMO TANA ʼAMOGA, PEA TALI KI TE ʼU FEHUʼI ʼAENI:

• Neʼe feafeaʼi te maʼuli ʼo Grace Li ʼi te kamataʼaga ʼo tona ʼohoana?

• Kotea neʼe ina leleiʼia ʼi tana ako te moʼoni?

• Neʼe ʼutakiʼi feafeaʼi e te tuagaʼane ko Li te ʼu faigataʼaʼia hili tona papitema?

• • ʼI tana faikole, kotea ʼae neʼe ui e te tuagaʼane ʼo ʼuhiga mo tona ʼohoana?

• Ko te ʼu tapuakina fea ʼae neʼe maʼu e te tuagaʼane ʼuhi ko tana agamaʼa mo tana fakaʼapaʼapa lahi?