Te Tui Papau

1 Tesalonika 1:5

TE MANATU ʼAE KE TAʼOFI: Fakaha ʼe ke tui malohi ki te moʼoni, pea ʼe maʼuhiga te ʼu manatu ʼae ʼe ke talanoa ki ai.

TONA FAʼAHIGA FAI:

• Teuteuʼi lelei. Vakavakaʼi te ʼu meʼa ʼae ka ke fakaʼaogaʼi ke feala ai hau mahino ki te ʼu manatu tafito pea ʼe fakamoʼoni feafeaʼi te Tohi-Tapu ki ai. Faiga ke ke fakaha te ʼu manatu tafito ʼaki he ʼu kupu ʼe faigafua. Fakakaukauʼi tafito pe ʼe ʼaoga feafeaʼi te ʼu faʼahi ʼae ka ke talanoa ki ai kia natou ʼae ka fagono atu. Faikole ke ke maʼu te laumalie maʼoniʼoni.

• Fakaʼaogaʼi he ʼu kupu ʼe ha ai tau tui papau ki te faʼahi ʼae ʼe ke palalau ki ai. ʼAua naʼa ke lau pe te ʼu kupuʼi palalau ʼae ʼe tuʼu ʼi he tohi, kae faigaʼi ke ke fakaʼaogaʼi ʼau palalau ʼa koe totonu. ʼE tonu ke ha ʼi te ʼu kupu ʼae ʼe ke filifili ʼe ke tui papau ki te meʼa ʼae ʼe ke talanoa ki ai.

• Fakaha ʼe ke tui fakamalotoloto ki te faʼahi ʼae ʼe ke palalau ki ai. Palalau leʼo lahi ke logoʼi. Sioʼi ia natou ʼae ʼe fagono atu mo kapau ʼe mole ko he aga heʼe fakaʼapaʼapa.