Watchtower TANAKIʼAGA TOHI ʼI TE NETI

TANAKIʼAGA TOHI ʼI TE NETI

scl p. 105-108
Sehova

Vaega Ki Te Maʼuli Fakakilisitiano

scl p. 105-108

Sehova

Tona huafa

ʼE lagi fakaʼuhiga te huafa ʼo Sehova “ ʼE Ina Fakahoko”

Sen 1:1; Eke 3:13-15; Ps 102:25; Esa 42:5

Kotea ʼae ʼe tonu ke “fakahoko” e Sehova, peʼe liliu kotea, ke feala ai hana tokaga ki ʼana kaugana?

Ps 19:14; 68:5; Esa 33:22; 40:11; 2Ko 1:3, 4

Vakaʼi mo Ps 118:14; Esa 30:20; Sel 3:14; Skl 2:5

He koʼe ʼe maʼuhiga ʼaupito ke fakatapuha te huafa ʼo te ʼAtua?

Ps 83:18; Esa 29:23; Esk 36:23; Luk 11:2

He koʼe ʼe tuha mo Sehova, te Tuʼi ʼAliki ʼo Te ʼAtulaulau ke tou fakalogo kia te ia?

Fkh 4:11; 7:9-12

Tahi ʼu higoa fakatuʼulaga ʼo Sehova

ʼAtua ʼi selo—Hep 1:3; 8:1

Faiako Lahi—Esa 30:20

Hau ʼae ʼe heʼe gata—1Ti 1:17; Fkh 15:3

Mafimafi—Sen 17:1; Fkh 19:6

Maka Malohi, ʼUtu—Tet 32:4; Esa 26:4

Maʼoluga—Sen 14:18-22; Ps 7:17

Sehova ʼo te ʼatu kautau—1Sa 1:11

Tamai—Mat 6:9; Soa 5:21

Tuʼi ʼAliki—Esa 25:8; Amo 3:7

Tahi ʼu kalitate fakaofoofo ʼo Sehova

ʼE fakaha feafeaʼi e Sehova ʼe maʼoniʼoni pea kotea ʼae ʼe tonu ke fai e ʼana kaugana?

Eke 28:36; Lev 19:2; 2Ko 7:1; 1Pe 1:13-16

Faʼifaʼitaki Fakatohi-tapu:
- Esa 6:1-8—ʼE fakaha e Sehova ki te polofeta ko Esaia tona ʼuhiga maʼoniʼoni pea lotomamahi ai he ʼe kia ia ʼe mole maʼa kia mata ʼo Sehova. Kae ʼe fakamanatuʼi age e te selafimi tatau aipe pe ko he tahi ʼe agahala, ʼe feala ke maʼa kia mata ʼo te ʼAtua
- Lom 6:12-23; 12:1, 2—ʼE fakamahino e te apositolo ko Paulo peʼe feafeaʼi te tauʼi ʼo totatou ʼuhiga agahala pea ke feala ai ke tou maʼoniʼoni

ʼE malohi feafeaʼi ia Sehova pea ʼe ina fakaʼaogaʼi feafeaʼi?

Eke 15:3-6; 2Kk 16:9; Esa 40:22, 25, 26, 28-31

Faʼifaʼitaki Fakatohi-tapu:
- Tet 8:12-18—ʼE fakamanatuʼi age e te polofeta ko Moisese ki te kau Iselaele ʼe natou maʼu te ʼu meʼa lelei fuli ʼuhi ko te lotofoaki ʼa Sehova ʼae ʼe ina fakaʼaogaʼi tona malohi maʼa natou
- 1Hau 19:9-14—ʼE fakalotomalohiʼi e Sehova tana polofeta ko Elia ʼo ina fakaha age ni meʼa fakaofoofo ʼo tona malohi

He koʼe ʼe lelei age te faitotonu ʼa Sehova?

Tet 32:4; Sop 34:10; 37:23; Ps 37:28; Esa 33:22

Faʼifaʼitaki Fakatohi-tapu:
- Tet 24:16-22—Ko te ʼu lao ʼae ʼe foaki e Sehova kia Moisese ʼe ha ai tana faitotonu, mo tona ʼofa, mo tona manavaʼofa tuʼumaʼu
- 2Kk 19:4-7—ʼE fakamanatuʼi e te Hau ko Sosafate ki te kau tuʼi fakamau ke fakatafito ʼanatou faifakamau ki te faitotonu ʼa Sehova kae mole ki te manatu ʼa te tagata

Kotea ʼae ʼe ha ai ʼe poto age ia Sehova?

Ps 104:24; Taa 2:1-8; Sel 10:12; Lom 11:33; 16:27

Vakaʼi mo Ps 139:14; Sel 17:10

Faʼifaʼitaki Fakatohi-tapu:
- 1Hau 4:29-34—Ko te Hau ko Salomone neʼe poto age ia ʼi te tagata fuli ʼo tona temi he neʼe tapuakiʼi e Sehova
- Luk 11:31; Soa 7:14-18—ʼE lahi age te poto ʼae ʼe maʼu e Sesu ia Salomone, kae ʼe ina fakaha ko te poto ʼaia ʼe haʼu mai ia Sehova

ʼE fakaha feafeaʼi e Sehova ʼe ʼofa lahi kia tatou?

Soa 3:16; Lom 8:32; 1So 4:8-10, 19

Vakaʼi mo Sof 3:17; Soa 3:35

Faʼifaʼitaki Fakatohi-tapu:
- Mat 10:29-31—ʼE toʼo e Sesu te faʼifaʼitaki ʼo te kiʼi manulele moʼo fakaha ʼe maʼuhiga kia Sehova ʼana kaugana pea ʼe lahi tona ʼofa kia natou
- Mko 1:9-11—ʼE fakaha e Sehova kia Sesu ʼe fiafia kia ia pea ʼe ʼofa ai. Ko he faʼifaʼitaki lelei ki te ʼu matuʼā ke natou fakaha tonatou ʼofa ki ʼanatou fanau, pea mo fakamalo kia natou, mo fakaha ʼe natou leleiʼia he ʼe ʼaoga ke logo ki ai ʼanatou fanau

He koʼe ʼe tou toe ʼoʼofa ia Sehova? ʼE fakaha mai ʼi te Tohi-Tapu ʼe lahi te tahi ʼu kalitate ʼo Sehova, ohage la . . .

ʼE agalelei—Luk 6:35; Lom 2:4

ʼE agatonu—Fkh 15:4

ʼE agavaivai—Ps 18:35

ʼE faitotonu—Ps 7:9

ʼE fiafia—1Ti 1:11

ʼE heʼe gata, ʼe mole hona kamataʼaga mo hona fakaʼosiʼaga—Ps 90:2; 93:2

ʼE kataki fualoa—Esa 30:18; 2Pe 3:9

ʼE fonu ʼi te kololia—Fkh 4:1-6

ʼE lotofoaki—Ps 104:13-15; 145:16

ʼE manavaʼofa—Eke 34:6; Esa 49:15; 63:9; Skl 2:8

ʼE mole fetogi ia—Mal 3:6; Skp 1:17

ʼE sio kia meʼa fuli—2Kk 16:9; Taa 15:3

ʼE taulekaleka—Ps 8:1; 148:13

Ko te ʼAtua ʼo te tokalelei—Flp 4:9

Ka tou iloʼi lelei ia Sehova kotea ʼae ʼe tou logoʼi ʼo ʼuhiga mo ia?

Tet 6:4, 5; Mko 12:28-32

ʼE feafeaʼi hatatou tauhi kia Sehova

Kotea ʼae ʼe ha ai ʼe feala ke tou fai te meʼa ʼae ʼe kole mai e Sehova?

Tet 10:12; Mik 6:8; 1So 5:3

Faʼifaʼitaki Fakatohi-tapu:
- Tet 30:11-14—ʼE mole faigataʼa fau te mulimuli ki te Lao ʼae neʼe foaki e te polofeta ko Moisese ki te kau Iselaele
- Mat 11:28-30—ʼE ui e Sesu ki ʼana tisipulo ko ia ko he Pule fakalotofimalie, pea ʼe ina fakata moʼoni tana Tamai

He koʼe ʼe tuha mo Sehova ʼatatou fakavikiviki?

Ps 105:1, 2; Esa 43:10-12, 21

Vakaʼi mo Sel 20:9; Luk 6:45; Gau 4:19, 20

Faʼifaʼitaki Fakatohi-tapu:
- Ps 104:1, 2, 10-20, 33, 34—ʼE lahi te ʼu tupuʼaga ʼe maʼu e te tagata faipesalemo ʼi te fakatupu ke ina hiva ai ni fakavikiviki kia Sehova
- Ps 148:1-14—ʼE fakakololiaʼi ia Sehova e meʼa maʼuli fuli ʼae ʼe ina fakatupu, ʼo feia mo te kau ʼaselo

ʼE tokoni feafeaʼi tatatou aga ke vikiʼi e totatou tatau ia Sehova?

Mat 5:16; Soa 15:8; 1Pe 2:12

Vakaʼi mo Skp 3:13

He koʼe ʼe tonu ke tou fakaovi kia Sehova?

Ps 73:28; Skp 4:8

He koʼe ʼe maʼuhiga te agavaivai ke tou fakaovi ai kia Sehova?

Ps 138:6; Esa 57:15

He koʼe ʼe maʼuhiga ke tou lau mo metitasioʼi te Tohi-Tapu ke tou fakaovi ai kia Sehova?

Ps 1:1-3; 77:11-13; Mal 3:16

He koʼe ʼe maʼuhiga ke tou fakahoko te meʼa ʼae ʼe akoʼi mai e Sehova?

Luk 6:46-49; Skp 1:22-25

He koʼe ʼe mole tonu ke tou faiga ʼo fufu he meʼa kia Sehova?

Sop 34:22; Taa 28:13; Sel 23:24; 1Ti 5:24, 25

Faʼifaʼitaki Fakatohi-tapu:
- 2Ha 5:20-27—ʼE faiga ia Keasi ke ina fufu tana agahala, kae ʼe fakaha e Sehova ki tana polofeta ko Eliseo te meʼa ʼae neʼe ina fai
- Gau 5:1-11—ʼE kakaʼi e Ananiasi mo Safila te laumalie maʼoniʼoni, kae ʼe fakaha e Sehova tanā agahala pea mo fakatuʼā ia naua