ʼOhoana

Faʼifaʼitaki Fakatohi-tapu:

• Sen 24:​1-4, 7​—Ko Apalahamo, ʼae kua matuʼa, ʼe lotomalohi ke maʼu he ʼohoana ʼo tona foha ko Isaake ʼe tauhi kia Sehova kae mole ko he fafine Kanaane ʼe tauhi ki ʼihi ʼatua

• Sen 28:​1-4​—ʼE fakatotonu e Isaake ki tona foha ko Sakopo ke ina filifili hona ʼohoana ʼe tauhi kia Sehova kae mole ko he fafine Kanaane

Faʼifaʼitaki Fakatohi-tapu:

• 1Ha 11:​1-6, 9-​11​—ʼE ita ia Sehova kia Salomone he ʼe mole fakalogo ki ʼana fakatokaga kae ʼohoana ia mo te ʼu fafine matapule ʼo natou kakaʼi ai tona loto

• Nee 13:​23-​27​—ʼE ita ia Nehemia ohage pe ko Sehova, ʼi te ʼohoana ʼa te kau Iselaele mo ni fafine matapule ʼe mole tauhi kia Sehova pea ina fakatonutonuʼi ai natou

Faʼifaʼitaki Fakatohi-tapu:

• 1Sa 25:​2, 3, 14-​17​—Ko Napale te ʼohoana ʼo Apikaile, neʼe maʼu koloa kae ʼe agafefeka mo agakovi, ʼe mole ko he ʼohoana lelei

• Taa 21:9​—Ka mole lelei te filifili ʼo tokita hoa pea ʼe feala ai ke kita maʼuli mamahi ʼo mole maʼu te tokalelei

• Lom 7:2​—ʼE fakamahino e te apositolo ko Paulo ka ʼohoana he fafine pea ʼe fakalogo ki te pule ʼo tona ʼohoana ʼae ʼe heʼe haohaoa, koia ʼe tonu ke agapoto ʼo filifili lelei tona hoa

Faʼifaʼitaki Fakatohi-tapu:

• Taa 24:27​—ʼI muʼa ʼo te ʼohoana mo maʼu fanau ʼa he tagata, ʼe tonu ke fakakaukau lelei peʼe feala anai ke ina taupau tona kiʼi famili ʼaki tana gaue

Faʼifaʼitaki Fakatohi-tapu:

• Lut 2:​4-7, 10-​12​—ʼE iloʼi lelei e Poase te ʼuhiga ʼo Lute ʼi tana sioʼi. Neʼe sio ki tana gaue kinakina, mo tana tokaga kia Naomi, neʼe logo ki te ʼu fakamatala ʼa te hahaʼi agatonu ʼo ʼuhiga mo ia, pea neʼe sio ki tona ʼofa lahi kia Sehova

• Lut 2:​8, 9, 20​—ʼE iloʼi lelei e Lute te ʼuhiga ʼo Poase ʼi tana sio ki tana agalelei, ki tana lotofoaki, pea mo tona ʼofa kia Sehova

Faʼifaʼitaki Fakatohi-tapu:

• Taa 5:​18, 19​—Ko ʼihi aga ʼae ʼe fakaha ai tokita ʼofa ʼe gata pe ia mo natou ʼae kua ʼosi ʼohoana

• Hiv 1:2; 2:6​—Lolotoga tanā fakatahi, ʼe fefakahaʼaki e te tauhi ovi pea mo te Sulamite tonā ʼofa kae ʼe mole nā fai ni aga heʼe fakaʼapaʼapa

• Hiv 4:​12; 8:​8-​10​—ʼE nofo maʼa te Sulamite pea ʼe lotololomi, ʼe fakatatau ki he ʼoloto ʼe lokaʼi

Faʼifaʼitaki Fakatohi-tapu:

• Sen 21:​8-​12​—ʼE fakatotonu e Sehova ke fagono ia Apalahamo ki tona ʼohoana, ia Sala, tatau aipe pe ʼe mole ina leleiʼia tana manatu

• Taa 31:​10, 11, 16, 28​—ʼE mole leʼoleʼo e te tagata ʼohoana ia meʼa fuli ʼae ʼe fai e tona ʼohoana faʼafai pea ʼe mole ina fatufatuʼi, kae ʼe falala ki ai mo ina vikiʼi

• Efe 5:​33​—ʼE fakaha e te apositolo ko Paulo te ʼu palalau ʼa Sehova, ʼe ha ai ʼe loto te fafine ke ina iloʼi ʼe ʼofa tona ʼohoana ia ia

Faʼifaʼitaki Fakatohi-tapu:

• Taa 1:8; 1Ko 7:4​—ʼE foaki e te ʼAtua ki te fafine he faʼahiga pule ʼi tona ʼuhiga fafine ʼohoana mo faʼe

• 1Ko 11:3​—ʼE fakamahino e te apositolo ko Paulo, ko tatou fuli ʼe tou fakalogo ki he faʼahiga pule, gata pe ki te ʼAtua ʼae ʼe Mafimafi ʼe mole hona pule

• Hep 13:​7, 17​—ʼI te kokelekasio, ko natou tagata ʼo feia mo natou fafine ʼe tonu ke natou talagafua mo fakalogo ki te ʼu tehina ʼae ʼe takitaki

Faʼifaʼitaki Fakatohi-tapu:

• Sen 18:12; 1Pe 3:​5, 6​—ʼE lahi te fakaʼapaʼapa ʼa Sala ki tona ʼohoana, ʼo ina fakaʼuhiga ko tona “ ʼaliki,” peʼe pule

Faʼifaʼitaki Fakatohi-tapu:

• Sen 24:​62-​67​—ʼE fakapelepeleʼi e Lepeka ia Isaake, ʼi tana lotomamahi ʼi te mate ʼo tana faʼe

• 1Sa 25:​14-​24, 32-​38​—ʼAki tana agavaivai ʼe puipui e Apikaile tona ʼohoana agavale pea mo haofaki tona loto fale ʼi tana kole ke manavaʼofa age ia Tavite

• Esi 4:​6-​17; 5:​1-8; 7:​1-6; 8:​3-6​—ʼE feala pe ke mate tuʼa lua te Fineʼaliki ko Esitele ʼi tana alu ʼo kole mamahi ki tona ʼohoana, te hau, ke ina puipui te hahaʼi ʼa te ʼAtua, kae neʼe mole pauʼi