Watchtower TANAKIʼAGA TOHI ʼI TE NETI

TANAKIʼAGA TOHI ʼI TE NETI

scl p. 94-95
Maʼu Koloa

Vaega Ki Te Maʼuli Fakakilisitiano

scl p. 94-95

Maʼu Koloa

ʼE fakaha mai koa ʼi te Tohi-Tapu ʼe kovi te maʼu falā peʼe ko te maʼu koloa?

Faʼifaʼitaki Fakatohi-tapu:
- 1Ha 3:11-14—ʼE fakakoloa e Sehova ia te Hau ko Salomone ʼuhi ko tana agavaivai
- Sop 1:1-3, 8-10—ʼE koloaʼia ia Sopo, kae ʼe maʼuhiga age kia ia ʼana felogoi mo Sehova

He koʼe ʼe mole maʼu te fimalie mo te tokalelei ʼi te maʼu koloa?

Taa 23:4, 5; Ekl 2:18, 19; 5:10, 12

Ko te ʼu aluʼaga fea ʼae ʼe mole ʼi ai he ʼaoga ʼo te maʼu koloa?

Ps 49:6, 7, 9, 10; Mat 16:26

Kotea te tuʼutamaki tafito ʼo te maʼu falā mo te maʼu koloa?

Tet 6:10-12; Mat 6:24; 1Ti 6:9, 10

He koʼe ʼe feala ke kakaʼi tatou e te ʼu koloa?

Taa 11:4, 18, 28; 18:11; Mat 13:22

Faʼifaʼitaki Fakatohi-tapu:
- Gau 8:18-24—ʼE faihala ia Simone ʼi tana manatu ʼae ʼe feala ke ina totogi hona tuʼulaga ʼi te kokelekasio Fakakilisitiano

Kotea ʼae ʼe feala ke puli ʼi tatatou manako ki te paʼaga?

Mat 6:19-21; Luk 17:31, 32

Faʼifaʼitaki Fakatohi-tapu:
- Mko 10:17-23—ʼE mole muliʼi e te tupulaga maʼu koloa ia Sesu he neʼe maʼuhiga age ʼona koloa kia ia
- 1Ti 6:17-19—ʼE fakatokaga e te apositolo ko Paulo ki te kau Kilisitiano maʼu koloa ke ʼaua naʼa natou fiameʼalahi, he ʼe feala ke mole toe leleiʼia ai natou e te ʼAtua

ʼE fakavaivaiʼi feafeaʼi e te fia maʼu koloa tatatou tui pea mo puli ai totatou leleiʼia e te ʼAtua?

Tet 8:10-14; Taa 28:20; 1So 2:15-17

Vakaʼi mo Ps 52:6, 7; Amo 3:12, 15; 6:4-8

Faʼifaʼitaki Fakatohi-tapu:
- Sop 31:24, 25, 28—ʼE iloʼi e Sopo te tuʼutamaki ʼae ʼe feala ke hoko moka kita falala ki te ʼu koloa, ʼe hage pe ʼe mole kita falala ki te ʼAtua
- Luk 12:15-21—Moʼo fakatokaga te hahaʼi ki te manumanū koloa, ʼe toʼo e Sesu te faʼifaʼitaki ʼo he tagata ʼe maʼu koloa, kae ʼe mole maʼu koloa kia mata ʼo Sehova

ʼE feafeaʼi hatatou fiafia ʼaki te ʼu meʼa ʼae ʼe tou maʼu?

Taa 30:8, 9; 1Ti 6:6-8; Hep 13:5

Kotea te ʼu koloa ʼae ʼe maʼuhiga age, pea kotea tona tupuʼaga?

Taa 3:11, 13-18; 10:22; Mat 6:19-21

Faʼifaʼitaki Fakatohi-tapu:
- Ake 1:3-11—ʼE fakamahino e Sehova ʼaki tana polofeta ko Akeso ʼe mole ina tapuakiʼi tana hahaʼi he ʼe natou fakamuʼamuʼa tonatou maʼuli fimalie pea mo te laga ʼo ʼonatou ʼapi ʼi te laga ʼo te fale lotu taputapu
- Fkh 3:14-19—ʼE fakatonutonuʼi e Sesu te kokelekasio ʼo Laotise he ʼe maʼuhiga age kia natou te ʼu koloa fakamalama ʼi te ʼu koloa fakalaumalie

He koʼe ʼe tou tui papau ʼe foaki mai anai e Sehova te meʼa ʼae ʼe ʼaoga ki totatou maʼuli?

Pes 37:25; Taa 3:9, 10; Mat 6:25-33