Fakamanatu ʼo Te Ako Fakateokalatike

Ko te ʼu fehuʼi ʼaenī ʼo te fakamanatu, ʼe vakaʼi anai ʼi te Ako Fakateokalatike lolotoga te vāhaʼa ʼaē ʼe kamata ʼi te ʼaho 25 ʼo ʼApelili 2011. Ko te taupau ʼo te ako ʼe ina fai anai te fakamanatu iā minuta e 20, ʼo fakatafito ki te ʼu akonaki ʼaē neʼe vakaʼi ʼi te ʼu vāhaʼa ʼo te ʼaho 7 ʼo Malesio ʼo aʼu ki te vāhaʼa ʼo te ʼaho 25 ʼo ʼApelili 2011.

1. Koteā te fakaʼuhiga ʼo te ʼui ʼaē ʼe “kaugamālie te hahaʼi ʼo te fenua neʼe natou lau ko nātou ko te kau Sutea”? (Esite. 8:17) [w06 1/3 p. 29 pal. 2]

2. He koʼē neʼe fakagafua ke hū ia Satana ʼo tuʼu iā muʼa ʼo Sehova? (Sopo 1:6; 2:1) [w06 1/4 p. 17 pal. 6; it-1-F p. 1261 pal. 2]

3. Koteā te fakaʼuhiga ʼo te fehuʼi ʼaē neʼe fai e Satana, “ ʼE mole ʼi ai koa lā he tupuʼaga ʼo te manavasiʼi ʼa Sopo ki te ʼAtua”? (Sopo 1:9) [w94 15/11 p. 11 pal. 6]

4. He koʼē ʼe tuputupu tatatou falala ʼi tatatou ʼiloʼi ʼaē ko Sehova “ ʼe poto pea mo māfimāfi”? (Sopo 9:4) [w07 1/6 p. 16 pal. 16; it-2-F p. 852 pal. 1]

5. He koʼē ʼe feala ke tou ʼui ko te ʼu palalau ʼa Elifasi ʼo ʼuhiga mo te tagata ʼaē ʼe ina “ ʼinu te heʼe faitotonu ohagē ko te vai,” ʼe ina fakatā ia te faʼahiga manatu ʼa Satana? (Sopo 15:16) [w10-F 15/2 p. 20 pal. 1-2]

6. Koteā te ako ʼe feala ke tou tāʼofi mai te lāuga leʼo lahi ʼa Sopo ʼaē ʼe tou lau iā Sopo 19:2? [w94 1/10 p. 32 pal. 1-5]

7. Koteā ʼaē neʼe tokoni kiā Sopo ke nofo agatonu? (Sopo 27:5) [w09 1/4 p. 12 pal. 17]

8. ʼE tou faʼifaʼitakiʼi feafeaʼi ia Sopo mokā hoko he ʼu faigataʼaʼia ki niʼihi? (Sopo 29:12, 13) [w02 15/5 p. 22 pal. 19; w94-F 15/9 p. 24 pal. 2]

9. Koteā ʼaē ʼe kehekehe ai te tokoni ʼa Eliu pea mo ʼaē ʼa te ʼu kaumeʼa e toko tolu ʼo Sopo? (Sopo 33:1, 6) [w95 15/2 p. 25 pal. 3]

10. ʼE malave feafeaʼi kiā tātou ia te metitāsio ʼaē ki te ʼu gāue fakaofoofo ʼa Sehova? (Sopo 37:14) [w06 1/4 p. 20 pal. 4]