Jehovachea Sakxeank Aplea Kamank Khoim Thaun Poixe Mellttat?

Amchem sonvsarbhorchem kam chodd korun, Jehovachea Sakxeamnim ap-khuxen dilolea denngeam udexim cholta.a Amchea mittingechea zagear dan pettio dovorloleo astat, toxench her toren dan diunk Donations hea panar dusreo vatto asat. Sonvsarbhor zata tea kamak vo sobhechea khorcha pasot vo donui kamank denngim diunk zai zalear tumkam zai tem option tumi vichunk zata.

Jehovachea Sakxeamnim dhavo vantto vo umkech poixe vo pagar-acho umkoch vantto dan korunk zai mhunn konnuch sangona. (2 Korintkarank 9:7) Amchea mittingek ami poixe ektthaim korinant vo amche sobhent bhitor soronk koslench mol farik korchem poddona. Bautizmak, mornnak, kazarak vo her kosli-i seva korunk amche bhav poixe ghenant. Bake sale, bazaar, bingo game, carnival, dinner, raffle, vo oslea her kariavollintlean ami poixe kaddinant. Dan ditat tea munxanchi koslich mahiti ami herank kolloinant. (Matev 6:2-4) Amche website-ir ani prokaxonanim poixe kortat toslim advertisement nant.

Jehovachea Sakxeanche dor eke sobhent mhoineak kitlo khorch zala, ti mahiti tea sobhentlea sogleank kolloitat. Dan kelʼle poixe sarke ritin uzar keleat mhunn khatri korun gheunk dor eke sobhent audit kortat.—2 Korintkarank 8:20, 21.

Dan Diunk Vatto

• Dan pettieo: Raj-ghoramnim, Zomatichea holamnim, ani amcheo mitting zatat tea her zageamnim aslolea dan pettient tumi poixe vo chek ghalunk zata.

• Online dan: Zaitea desamnim “Donate to Jehovah’s Witnesses” hea panar vochon credit kardd, debit kardd, bankantlean transfer dhaddun, ani her electronic vattamnim dan diunk suvidha asat.b Thoddim Sakxim dor mhoineak “kitem-i ganttik marun kuxik” dovrun osli ek vatt uzar korun mhoinea-mhoineak poixe dhaddttat.—1 Korintkarank 16:2.

  

• Adim ievzonn korun: Thodde ritimnim dan ditolim zalear tumkam adinch toiari korunk poddttoli ani/vo kaidea pormonnem kitem korunk zai to solʼlo gheunk poddttolo. Oxem kelʼlean tumchea desant aslolea tax-acho tumkam faido mellttolo. Jivim astana vo melea uprant uzar korunk zata toslo charitable gift koxe korunk zata tea vixim zannam zalolean zaitea zannank faido zala. Tumkam sokol dilolea ritimnim dan diunk khuxi asa zalear tea vixim anik mahiti zannam zaunk tumkam lagim aslolea Jehovachea Sakxeanchea xakha ofisak sompork korat.

  • bank account

  • insurance ani retirement plan

  • bhatt-bhes

  • stock ani bond

  • will ani trust

Tumchea vattarant khoinchea ritin dan diunk zata tem zannam zaunk, “Donate to Jehovah’s Witnesses” hem pan polloiat.