Parché le Testimònie de Geovà no le dopera la crose?

Par tanti la crose la ze la roba pi importante che rapresenta i cristiani. Anca se semo cristiani, noantri Testimònie de Geovà no doperemo la crose e gnanca la adoremo. Parché?

Prima de tuto, la Bìblia no la dise che Gesù l’è morto nte una crose, ma nte un pal, un toco de legno drito. La Bìblia la dà questo comandamento ciaro ai cristiani, “scampé via dela idolatria”, e doperar la crose la ze una forma de idolatria. — 1 Corinti 10:14; 1 Gioani 5:21.

L’è interessante che Gesù el ga insegnà quala saria la roba pi importante par i cristiani, quando el ga dito: “Par meso de questo tuti i saverà che valtri sì i me dissìpoli: se gavé amor intrà de valtri.” (Gioani 13:34, 35) Cossita, Gesù el ga assà ciaro che quel che mostra chi ze i veri cristiani l’è el vero amor, nò la crose o altre imàgine.