DAI JUUGENDE DAUE FRÅGE
Wosoo kan dai Bijbel mij helpe? - Stük 2: Dau dai Bijbel mit lust leese
Air juugend wat Will hit, hät sägt: “Dai Bijbel leese kan soo låte as wen dat åne lust is, åwer dat däit bloos passijre wen’s duu ni wätst wosoo dai Bijbel leese.”
Wist duu waite wosoo as dij dat gefale kan dai Bijbel leese? Den dit wat hijr stäit kan dij helpe.
Dau soo leese as wen’s duu in dai geschichte büst
Dau dij inlåte mit dat wat’s duu leese däist. Duu kast dit måke:
Dau dai geschicht uutsuike wat’s duu lëre wist. Duu kast ain geschicht uutsuike wat passijrt is urer air stük fon Jësus sij leewend as hai upe ër wääst is, duu kast uk uutsuike bijblisch leesen soo’s geschicht in jw.org.
Dau dai geschicht leese. Duu kast alaine leese urer t’hoop mit dijn familg un andrer. Air kan dai sin wat dai geschicht fortelt un andrer dai lüür in dai geschicht.
Benuts ain urer nog mër fon dës hülps:
Dau afmålen måke. Urer ain geschicht wat wijse däit wosoo as dai daile passijrt sin. Dau hen srijwe up jërer afmålen wat dår passijre däit.
Dau air afmålen måke wat wijse däit wosoo as dai daile t’hoopstime daue. Soo as, wen’s duu leese däist oiwer air reäl mësch ine Bijbel, wist dai gaure moors wat dai har un wat dai måke däir daue t’hoopstime mit dai seegens wat dai kreege hät.
Sai dai geschicht soo as wen dai nuu passijre däit. Dau wijse wosoo jërer ainsig dai geschicht saie däir. Dau dai oiwerst in dai geschicht uutfråge un uk dai andrer wat in dai geschicht wäire. Dau andenke an air anerd ën tau dës geschicht.
Dau andenke an aine mësch ine Bijbel wat wat forkërde’s hät uutsöcht un wat har küüt passijrt sin wen hai aners wat uutsöcht har. Soo as, dau andenke as Pedro afsägt hät hai däir ni Jësus någåe. (Marcos 14:66 bet 72) Wat har küüt Pedro aners måkt häwe as hai andrijwen doirset hät?
Air sër gaur dail wat’s duu måke kast is dijn aigen geschicht srijwe fon dat wat ine Bijbel stäit. Dau wijse wat wij fon dës geschicht lëre koine. (Romanos 15:4)
Duu kast måke dat dai Bijbel leewig wart!
Dau nåsuike!
Wen’s duu genau dai klaine daile in ain geschicht nåsuike däist, duu kast daile mit groote wërd fijne. Feelmåls ain urer twai wöör koine dai geschicht fon dai Bijbel üminre.
Soo as, dau t’hoopmaine Mateus 28:7 mit Marcos 16:7.
Woweegen hät Marcos sägt dat Jësus sich bald wijse däir tau dai jüngers un tau Pedro?
Taum forståen: Marcos wäir dår ni bij as dës daile passijrt sin, kan sin dat Pedro dës daile fortelt hät.
Air dail mit groote wërd: Jësus wul Pedro werer saie, woweegen kün dat Pedro frööge? (Marcos 14:66 bet 72) Wosoo hät Jësus tau Pedro weese dat hai em wirklig lijbe däir? Wosoo kast duu Jësus nåmåke un wijse dat’s duu dai andrer wirklig lijbe däist?
Wen’s duu soo leese däist as wen’s duu air in dai geschicht büst un däist jërer klain dail in dai geschicht nåsuike, den dai Bijbel leese is sër wat schöönes!