Sin dai ganse slechte daile wat passijre weegen dem gild?

Dai antwoord fone Bijbel

Në. Dai Bijbel sägt ni dat gild air slecht dail is. Dai sägt uk ni dat dat gild hijner dai ganse slechte daile sin wat passijre, wek säge soo’s “dai ganse slechte daile sin weegen dem gild”. Åwer dai Bijbel däit dat ni soo inlëre, gans aners dai Bijbel sägt “dat gild lijbe bringt al sort daile wat schåre”. (1 Timóteo 6:10)

Wat sägt dai Bijbel oiwer dat gild?

Dai Bijbel sägt soo’s wen wij gaud forståe daue dat gild forbruuke dat kan gaud sin, un nog soo oos ‘behüüte’. (Eclesiastes 7:12) Dai Bijbel däit uk dai låwe wat geschenk geewe un dat kan sin im gild. (Provérbios 11:25)

Dai Bijbel däit oos formåne soo’s wij döre ni dat gild ine airste stel häwe in oos leewend. Dai Bijbel sägt: “Juuch leewend mut frai sin fon dat lijb oiwer dat gild; blijwt im freere mit dai daile wat jij häwe.” (Hebreus 13:5) Wat lëre wij? Wij muite dat gild gaud benutse un ni leewe taum rijk ware, wij muite freere sin mit dat wat wij häwe, soo’s dat eeten, tüüg un huus. (1 Timóteo 6:8)

Woweegen sägt dai Bijbel soo’s wij schåle uppasse taum ni dat gild lijbe?

Dai lüür wat ümer mër häwe wile krijge ni dat leewend up ümer. Woweegen? (Efésios 5:5) Airst, air wat groot oogen hät is soo as falsch Godes anbeere. (Colossenses 3:5) Twait, dai wat groot oogen häwe, feelmåls måke forkërde daile taum krijge wat sai wile. Provérbios 28:20 sägt: “Dai wat sich ijlt taum rijk ware, däit ni bijblijwe unschuldig sin.” Dai wat dat gild lijbe däit, kan feel slechte daile måke soo as, bedraige, falschhët, steelerig, doodmåke un nog andrer daile.

Wen dai lüür dit uk ni måke daue, åwer dat lijb up dat gild kan nog andrer slechte daile bringe. Dai Bijbel sägt: “Dai wat rijk ware wile, wen forsuikt ware fale in sleng un in feel forkërd wünsch wat schåre.” (1 Timóteo 6:9)

Woweegen is gaud någåe dai formånen fone Bijbel oiwer dat gild?

Dai Bijbel däit inlëre wat richtig is un wat God gefült. Wij wile ni forkërde daile måke taum bloos dår mër gild mit krijge. Wen wij wirklig God gefale wile wij daue oos frööge mit oos selwst, dat wij dai richtig daile måke. Nog soo wij koine oos sicher sin dat God oos seegne un oos mithelpe däit. Hai sägt: “Ik dau dij nij ais besijdlåte un ik dau dij nij ais im stig låte.” (Hebreus 13:5 un 6) Hai giwt oos uk dai sicherhët dat “dai reäl mësch krigt feel seegne”. (Provérbios 28:20)

Bijblisch sprüüch wat säge oiwer dat gild

Eclesiastes 7:12: “Dat gild air behüüten is.”

Wat bedüürt dat? Dat gild däit oos mithelpe in dai daile wat wij bruuke.

Lucas 12:15: “Weegen lijkerst wen air mësch feel hät, sijn leewend kümt ni fon dës daile.”

Wat bedüürt dat? Dat gild is ni wat mëre wërd hät in oos leewend, un kan oos uk ni rere.

1 Timóteo 6:10: “Weegen dat gild lijbe bringt al sort daile wat schåre, un wek wat dat gild lijbe, sin fom gloobe aflenkt un häwe sich selwst feel swårhëte bröcht.”

Wat bedüürt dat? Gild häwe dat is ni forkërd. Wek wat dat gild lijbe denke dat hät mëre wërd in eer leewend. Dårweegen dat bringt sër feel swårhëte tau eer, dat sai taufeel arbëre daue, dai familge ware forreete un eer gesundhët wart swake.

Hebreus 13:5: “Juuch leewend mut frai sin fon dat lijb oiwer dat gild; blijwt im freere mit dai daile wat jij häwe.”

Wat bedüürt dat? Is beeter freere sin mit dai daile wat wij häwe, as mit gewald rijk ware.

Mateus 19:24: “Is lichter ain kamël doir gåe doir ain nådelöös as air rijk mësch rinergåe in God sij Regirung.”

Wat bedüürt dat? Jësus har man grår aine rijke mësch raupe taum em sij jünger ware, åwer hai hät dat ni annåme, weegen hai däir sich sër hule an dai daile wat hai har. Dårweegen hät Jësus dit sägt. Dai mësch wat mëre wërd geewe däit tau dai rijkhët as tau God krijgt ni dat ëwig leewend.