Habwaki Abakaiso ba Yahwe Batakozesa Omusalaba omu Kuramya Kwabo?

Omu nsi yoona, abantu baingi barora omusalaba nk’akokurorraho ak’Obukristaayo. N’obukiraaba ngu Abakaiso ba Yahwe naitwe tuli Bakristaayo, titukozesa omusalaba omu kuramya kwaitu. Habwaki?

Emu ha nsonga eri ngu, Baibuli eyoleka ngu Yesu atafeere ha musalaba baitu akafeera ha muti. Ekindi, Baibuli etanga Abakristaayo kuramya ebisisani negamba eti: “Mwerindege hali ebisisani.” Kandi kinu nikitwarramu n’okukosesa omusalaba omu kuramya.—1 Abakolinso 10:14; 1 Yohana 5:21.

Ekirukukirayo obukuru, Yesu akagamba ati: “Nukwo bona balimanya muli begeswa bange, obumurabaga nokugonzangana inywenka.” (Yohana 13:34, 35) Nahabweki, Yesu akooleka ngu okugonza okw’okwefereza nuko kakubaire akokurorraho ak’abahondezi be ab’amananu hatali omusalaba rundi ekisisani eky’omulingo gwona.