Ezequiel
7 “Aiꞌãma aibö ꞌra, wa tô aipitsutu Israel nhorõwa roꞌmadöꞌöꞌwa da. Ĩ̱mreme wapari wamhã, tãma ĩroꞌmahörö dzaꞌra da tsi te ĩwatsuꞌu dzém na hã. 8 Ĩhöimana watsétéꞌwai ma te nharĩ wamhã: ‘Tô te dza atö!’ tadzahã poꞌre puꞌu õ wamhã te te ãma tsaprĩ da ĩhöimanadzém na hã, te dza dörö höimana watsété wa tiwatsété uꞌöbö, tadzahã ĩwapru hã wa dza ꞌruiwaꞌö a hã waꞌöbö da. 11 Tãma watsuꞌu dzaꞌra na: ‘“Tô tsena ꞌre ĩ̱höimana mono ne hã”, ãne Danhipaiꞌwa Jeová te tinha, “te ĩ̱tsima rowẽ õ di ĩhöimana watsété norĩ döꞌö dzaꞌra da, taha waꞌrãmimhã niꞌwa ĩhöimana watsédé te te ãma tsaprĩ da ĩte bödödi ꞌre höimana mono da. Atsina aipahö dzaꞌra waꞌaba, atsina aipahö dzaꞌra waꞌaba ate bödödi norĩ ĩwatsété na hã. Tawamhã, e marĩ wa bété ĩ’atöꞌö dzaꞌra waꞌaba da tsi, Israel nhorõwa hã.”’