Salmo

15 Jeová hã, e ꞌwa dzô te dza aihö atsõrõwa ꞌremhã tsãmra da. E ꞌwa hã te dza ate ẽtẽꞌrãihö ĩpetse ãma ꞌre höimana. 2 Niꞌwa ĩhöimana upaiꞌõ ĩmorĩ hã, Ĩbö hã te te ꞌre ĩꞌmanharĩ mono hã Duré tipẽꞌẽ na ĩꞌuptabi tsi te te ꞌre ĩnharĩ hã. 3 Tinhoto na te te daꞌãma ꞌre watsété mono õ di. Marĩ ĩwatsédé te te dama ꞌmanharĩ waihuꞌu õ di Duré titsiwaihuꞌu norĩ hã te te tiwi rowadzéb dzaꞌra õ di. 4 Te te ꞌre wẽꞌõ petse ĩhöimana watsété uptabi hã, Tadzahã te te ꞌre wadzé petse Jeová te te ꞌre ĩwadzéb dzaꞌra mono norĩ hã. Ĩtsimiropitsudu hã te te rẽme waihuꞌu õ di, te te tsiwi roꞌwaꞌrutu nherẽ. 5 Ĩte robꞌuipradzé aꞌö te te dama ꞌmanhomri õ di ĩtsipai u da te tãma waꞌöbö da Robꞌuipradzé hã te te dawi tsima wẽ õ di piꞌuriwi, ĩhöimana upaiꞌõ dzada. Niꞌwa ãne höimana wamhã, niwa da te ꞌmarõwĩrĩ õ di dza.