Isaías
13 Tawamhã, ãne te tinha Danhipaiꞌwa Jeová: “ꞌMadöꞌö dzaꞌra waꞌaba! Ĩ̱nhibꞌaꞌuwẽ norĩ te dza ꞌre tsaihuri, tadzahã mram na te dza ꞌre aihöimana dzaꞌra waꞌaba mo. Ĩ̱nhibꞌaꞌuwẽ norĩ te dza ꞌre öhuri, tadzahã ꞌrubu na te dza ꞌre aihöimana dzaꞌra waꞌaba mo. Ĩ̱nhibꞌaꞌuwẽ norĩ te dza ꞌre tsima rowẽ, tadzahã rowadzém na te dza ꞌre aihöimana dzaꞌra waꞌaba mo. 17 Maꞌãpé waihuꞌu! Höiwa ĩté hã duré tiꞌa ĩté hã wa te abꞌmanharĩ; marĩ na ꞌre ĩromhöimana ꞌrata mono dzém na ꞌre datsipoꞌre puꞌu dzaꞌra mono õ di dza, duré dapẽꞌẽ ꞌre ꞌre tsitsitsi mono õ di dza apö. 18 Tawamhã, atsima rowẽ dzaꞌra waꞌaba duré ꞌre atoi uꞌötsi dzaꞌra waꞌaba te ĩpoto mono na hã. 21 Õ norĩ hã te dza te te tsima ꞌre ꞌri dzaꞌra ĩwa tsõrõwa dzaꞌra da; Te dza uva ꞌru hã te te ꞌre dzuri duré te dza ĩꞌrã te te ꞌre huri. 22 Te te ꞌri dzaꞌra mono õ di dza aimawi ĩwa tsõrõwa da, Te te ꞌre dzuri dzaꞌra mono õ di dza aimawi hã te te ꞌre huri dzaꞌra mono da. Ĩ̱nhibꞌauwẽ norĩ nhibötö dzaꞌra dza wede nhibötö ne hã, Duré ĩ̱nhimipitsutu norĩ tinhibꞌrata nhimiromhuri na te dza te te tsima ꞌre rowẽ uptabi dzaꞌra. 23 Taré tsaꞌẽtẽ na te te romhuri dzaꞌra õ di dza, Duré te te poto dzaꞌra õ di dza ĩꞌra norĩ robdzépata da. E marĩ wa. Õ norĩ hã duré tiꞌra norĩ hã höimana dzaꞌra wa, danhihudu Jeová tãma ĩtsõprub dzaꞌra hã.