Romanos
35 E ꞌwa hã te Cristo nhimidzawi petse dzém nhiti te te ꞌre ĩwaꞌadzani mono da hã, E robdzépada, marĩ ĩwatsédé, wama ĩrobꞌmanharĩ watsété dzé hã, mra hã, danhibrob ãna, niwamhã amhödzépa. 36 Da te tsihötö dzarina, wa norĩ hã atsibꞌaꞌuwẽ wa, da te ꞌre wanhimroi mono õꞌumnhatsite. Poneꞌẽrebö datsadzéb da, da te ꞌre ĩtsimroi mono ne. 37 Taha waꞌrãmimhã, wa ãma aiꞌuté petse dzaꞌra ni, Cristo uꞌöbö te te ꞌre ĩwaꞌadzawi petse mono na hã. 38 Wa tô ĩ̱tsina waihuꞌu dahöimanadzé, dadöꞌö, dawatsuꞌuꞌu ꞌwa norĩ hã, rotidzé norĩ, ã bötö na marĩ hã, uburé marĩ hã dza ĩwatobro na hã, ĩtsipteteꞌwa norĩ hã, 39 niwamhã Ropotoꞌwa te te ĩꞌapoto mono hã, te te wawi ꞌre tsani waihuꞌu dzaꞌra mono õ di dza tô, ĩtsimidzawi petse dzé hã. Wanhibꞌapito Cristo Jesus ãma ꞌre ĩnomro mono na hã.