Salmo
3 Jeová ꞌre umnhatsi mono; Tiꞌai ãma ꞌre aihöimana mono duré ĩwẽ hã ꞌre ꞌmanharĩ mono. 4 Atsima ꞌre robdzei uptabi mono, Jeová ãma, Tawamhã te dza aima ãma uwaimra, aipẽꞌẽ na atsima ĩwẽ dzé hã. 8 Danhimiꞌru duré dadzahi rẽme; Atsipiꞌra tõ ĩwatsédé ꞌmanharĩ da duré atsima robdzeiꞌõ tõ. 9 E marĩ wa, ĩhöimana watsété norĩ te dza uprotsi dzaꞌra ni, Tadzahã tiꞌa hã dza Jeová dzô ꞌre ĩtsimipari dzaꞌra mono norĩ te hã. 10 Oto romhutu di, tawamhã ĩwatsété norĩ ꞌre höimana dzaꞌra mono õ di dza; Te dza ĩroꞌmadö ĩtsimatsadzéb u. Õwa ꞌre höimana dzaꞌra mono õ di dza oto. 11 Ĩtsahiꞌõ norĩ tsi te dza tihöimana dzaꞌra rowẽ ãma tiꞌai ꞌre robdze uptabi na duré romharé na. 25 ĩ̱höibatéb di aré duré awaꞌawi hã wa hã oto ĩ̱tsiꞌihi, Tadzahã niwa te ꞌmadöꞌö õ di ĩbö dzarina ꞌre ĩmorĩ, da te ĩrẽme õ na hã, duré ĩꞌra norĩ ꞌre rĩtĩ dzaꞌra mono õ di ĩꞌuꞌẽtẽ wapu dzô. 29 Tsena ꞌre ĩhöimana dzaꞌra mono norĩ ma tsi tiꞌa hã te dza tãma höimana dzaꞌra Duré ĩwa te dza ꞌre höimana uꞌötsi dzaꞌra.