Atos

26 Tsaꞌretse ãna tiꞌai te ꞌrẽrẽ ꞌri naꞌrata tétédzé hã te tsãtsãꞌã, dadzadzéb ꞌri hã. Õne haré uburé ꞌridawa nhitobdzé hã tsiꞌridawa dzaꞌra. Dapawatsitsidzé hã duré daparatétédzé hã ma tô tsitsinarĩ, dadzadzéb ꞌre ĩtsimatsam norĩ ma, ĩtsiꞌuwadzi nhorõ rudu hã. 27 Dadzadzé ꞌmadöꞌöꞌwa hã utu wamhã, ma tô ꞌridawa tsitowa na hã ꞌmadö. Tahawa, ma tô tinhiꞌwa hã tsitsada wadze, ãma tsiwĩrĩ da aré, ĩtsimatsam norĩ hã wairébé newa. 28 Tahawa, te Paulo hã hörö ꞌrãihö na ꞌmahö, ãne: — Tôꞌã. Atsiwĩrĩ tõ. Ãhãta wa aihĩni aimatsam ni. 29 Tawamhã ma tô dadzadzé ꞌmadöꞌöꞌwa hã robꞌuiwẽdzéb dzô hã. Wara tsina, ma tô ĩtẽme tidzébré dzahuré, Paulo norĩ u. Ĩpara na, ma tô aime dzahuré hiꞌrãtitõ, rẽrẽꞌẽ tsina.